Këshilltari i presidentit ukrainas, Mykhailo Podolyak, hodhi poshtë përgjegjësinë e Kievit për një seri shpërthimesh në bazën ajrore ruse Saki në Krime, raporton Reuters.
Kur u pyet nëse Ukraina merr përgjegjësinë për shpërthimet që ndodhën të martën, Podoljak u përgjigj – “Sigurisht që jo. Çfarë kemi të bëjmë me këtë?”.
Dëshmitarët okularë pohojnë se dëgjuan 12 shpërthime në bazën në bregun perëndimor të gadishullit , i cili u aneksua nga Rusia në vitin 2014.
Ministria ruse e Mbrojtjes njoftoi se nuk bëhej fjalë për një sulm, por për një shpërthim në një depo municionesh avioni./FrontOnline/