KEK-u, burim i infeksionit për të prekurit me Coronavirus në Obiliq

Qyteti i Obiliqit, aktualisht ka 26 raste aktive me Coronavirus.

Së fundmi rastet pozitive me këtë virus, janë duke shënuar rritje në këtë qytet, teksa sot në Institutin Kombëtar të Shëndetit Publik të Kosovës (IKSHPK), pritet të testohen edhe dy mostra, raporton Front Online.

Drejtoresha e Shëndetësisë në këtë komunë, Vlora Kabashi, ka thënë për Front Online, se gjendja e të infektuarve është stabile, si dhe që të njëjtit janë në izolim në shtëpitë e tyre.

“Sot me datën 17, janë marrë edhe dy mostra të reja për testim. Dje kanë qenë 9 raste pozitive, nga 12 mostra të marra. Gjendja shëndetësore e tyre është e mirë dhe pa simptoma. Poashtu të gjitha raste janë në izolim shtëpiak, duke i respektuar të gjitha masat dhe rekomandimet. Ekipet e QKMF-së, në vazhdimësi janë në terren duke kontaktuar dhe duke i mbikëqyrur të gjitha kontaktet e rasteve”, ka thënë ajo për Front Online.

Nga fillimi i pandemisë, në qytetin e Obiliqit në total janë testuar 80 mostra pwr Coronavirus, e ku thuajse të gjithë sipas Kabashit, burim të infeksionit kanë Korporatën Energjetike të Kosovës (KEK).

“Që nga fillimi i pandemisë deri më sot, janë marrë 80 mostra për testim, ku 28 prej tyre kanë rezultuar pozitiv, 26 raste i kemi aktive dhe 2 të shëruar. Më 7 qershor janë rastet e para dhe është shënuar numri më i madh i personave të rezultuar pozitiv, pra anëtarë të një familje. Familjarët e rezultuar pozitiv ditë më parë nga KEK-u, dhe i gjithë burim i infeksioneve është nga ky vend”, ka thënë ajo./Front Online

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Sponsoruar