Operacioni “Los Blancos” dëshmoi radhët e larta që kanë ngjitur kriminelët shqiptarë në industrinë e drogës.

Ata kanë arritur të lidhen drejtpërdrejt me kartelet e trafikantëve të drogës në Amerikën Latine.

Gjithçka nisi në vitin 2015, ku një grup shqiptarësh vepronin në Firence, Romë dhe Modena, ekzistenca e të cilit ishte zbuluar pas një përleshje të dhunshme që shpërtheu në Firence midis shtetasve shqiptarë për pazaret e prostitucionit.

Midis njerëzve nën hetim, doli se disa shtetas shqiptarë, ishin gjithashtu të përfshirë në një trafik të madh droge.

Gjetja e një telefoni celular Blackberry në përdorim nga një prej të dyshuarve menjëherë nxori në pah se grupi kriminal përdorte aplikacionin e mesazheve Blackberry si një standard komunikimi për kryerjen e bizneseve të paligjshme.

Aktiviteti i ndërlikuar i përgjimit telematik nga policia i mesazheve të koduara që trafikantët menaxhuan përmes platformave “Skyecc” dhe “Encrochat” dhe analiza e trafikut telefonik dhe telematik zbuloi shpejt gjerësinë e organizatës, strukturën e “Kartelit”.

Udhëheqësi i padiskutueshëm i grupit, duke përdorur sisteme të ndryshme dhe të sofistikuar të komunikimit, mbajti kontakte me trafikantë të drogës në Amerikën e Jugut, organizoi dërgesa droge, u dha udhëzime grupeve të shpërndarjes të vendosura në Itali dhe në shtetet e ndryshme anëtare të BE, shkruan Agenzia Italia.

Sipas Europol, këto arrestime pasojnë ndalimin e  84 anëtarëve të tjerë të këtij grupi në Itali, Ekuador, Holandë, Mbretëri e Bashkuar, Zvicër dhe Gjermani.