Mijëra vetëtimat që kanë goditur Kaliforninë në ditët e fundit e kanë përhapur më tej vatrën e zjarreve në shtetin amerikan, duke e vështirësuar luftën e zjarrfikësve.
Shteti amerikan i Kalifornisë raporton një përkeqësim të situatës me zjarret duke paralajmëruar një nga sezonet më të vështira ndër vite.
Në rajonin jugperëndimor të SHBA-së, rreth 11 mijë shkarkime elektrike nga vetëtimat në tri ditët e fundit provokuan ndezjen e mbi 360 vatrave të reja të zjarrit afër San-Franciskos.
Shkatërrimi nga flakët i disa strukturave të banimit detyroi evakuimin e mijëra qytetarëve.
Pavarësisht vetëtima të shumta, shpjegon guvernatori i Kalifornisë, Gevin Njusom, sasitë e vogla të reshjeve nuk po ndihmojnë në shuarjen e vatrave të ndezura.
“Kur vetëtimat godasin, krijojnë tym dhe me vështirësi dallohet numri total i zjarreve të reja në zonat e largëta. Duket se vatrat po zgjerohen dhe më të rrezikshmet mbeten 23 më të mëdhatë që ne i quajmë komplekse zjarri, të cilat digjen veçmas por brenda një hapësirë të vogël gjeografike.”
Gjatë 2020-ës, zjarret në shtetin amerikan kanë djegur mbi 80 mijë hektarë toka dhe pyje dhe kanë rrënuar afro 280 godina, por fatmirësisht pa lënë pasoja në njerëz.
Një vazhdën e një vale të nxehti që po përshkon vendin nga e java e kaluar, mesditën e së dielës termometri shënoi edhe vlerën më të lartë në histori.
Temperatura 54,4 gradë Celsius u arrit në territorin e shkretuar të Kalifornisë të njohur si Lugina e Vdekjes, duke regjistruar një rekord të ri botëror.
