Deputetja e Partisë Demokratike tëKosovës (PDK), Besa Ismaili në një intervistë për “Front Online”, ka thënë se Qeveria “Kurti”, dje ka mbushur 100 ditë në krye të qeverisë.
Për deputeten e PDK-së, këto ishin 100 ditët më të këqija të një qeverisjeje.
LEXO EDHE: Deputetja e PDK-së: Kurti shkeli sovranitetin territorial të Kosovës
“Mendoj se këto kanë qenë ditët më të këqijat e një qeverisje më të keqe që ka sjell humbjen e një miqësie shumë të vlefshme në mes të Kosovës dhe të SHBA-ve. Nuk them një humbje të miqësisë por një cenim i marrëdhënieve që nuk është parë më herët. Pastaj nuk kemi parë që ka një koordinim në nivelin ndërkombëtar. Mendoj se në marrëdhëniet ndërkombëtare dhe në punët e jashtme, Kosova nuk ka qenë asnjëherë më keq”, ka thënë ajo.
Kritika ajo pati edhe për qeverisjen e brendshme. Deputetja e PDK-së, theksoi se gjatë kësaj qeverisje, ka pasur edhe shkelje të sovranitetit territorial të Kosovës.
“Kemi pasur gjithashtu edhe shkelje të sovranitetit territorial të Kosovës. Menaxhimi i kësaj situate pandemike në veri është ndër më skandalozet. Mendoj që me të akoma do të përballemi më vonë dhe se ka pasoja të shumta. Ajo që na ka shqetësuar më së shumti është shëndeti i popullatës edhe në veri të Kosovës si kudo tjetër”, ka thënë Ismaili për “Front Online”.
