Doktori i Shkencave Islame, Mustafë Bajrami ka thënë se aderimi në Vetëvendosje ka qenë hera e parë që është kyçur në ndonjë subjekt politik.

“Unë asnjëherë nuk kam qenë pjesë aktive e ndonjë partie politike, kjo është hera e parë që unë kyqem drejtpërdrejt”, ka thënë ai.

Por teologu Bajrami para zgjedhjeve të tetorit 2019 kishte kaluarnë Alencën për Ardhmërinë e Kosovës.

Kështu e kishte prezantuar vet kryetari Ramush Haradinaj kur kishte njoftuar përmes një fotografie me teologun Bajrami se ai i është bashkuar AAK’së.

“Interesimi i jashtëzakonshëm i profesionistëve të fushave të ndryshme për ta mbështetur projektin e Aleancës 100% shtet, dëshmon qartë besimin në vlerat tona. Sot, zyrtarisht rrugëtimit tonë politik iu bashkua Mustafa Bajrami, doktor i logjikës dhe filozofisë analitike. Ai studimet bachelor i përfundoi në Egjipt, ndërsa studimet master dhe doktoraturën në Turqi”, ka shkruar Haradinaj, të mërkurën.

Bajrami ka thënë se në takimin me Albin Kurti kur edhe ka njoftuar për anëtarësimin në VV ka qenë impresionuese.

“Unë jam një qytetar i këtij vendi, dhe vazhdoj të kem kontakte me njerëz nga klasa politike. Ai takim të cilin e kam përmendur, ka qenë impresionues dhe diapozoni jo i rëndomtë”, ka thënë Bajrami.