×
  • Lifestyle
  • Lifestyle

    Inteligjenca sociale, çfarë është dhe si ta rrisni atë

    FrontOnline
    22 Korrik 2020

    Një individ që karakterizohet nga inteligjenca sociale është një person që arrin të kuptojë se si ndihen të tjerët dhe falë intuitës di se çfarë të thotë në situata të ndryshme.

    Mund të konsiderohet si “aftësi njerëzore”, por në fakt ajo çfarë vërtet zotërojnë këta njerëz njihet si inteligjencë sociale.

    Teoria e inteligjencës sociale u përhap për herë të parë nga psikologu amerikan Edward Thorndike në vitin 1920. Ai e përcaktoi atë si “Aftësia për të kuptuar dhe menaxhuar burra dhe gra, djem dhe vajza, për të vepruar me mençuri në marrëdhëniet njerëzore.”

    Askush nuk lind me inteligjencë sociale, sepse kjo e fundit përfshin një grup aftësish të cilat individi i mëson me kalimin e kohës.

    Shenjat e inteligjencës sociale

    Dëgjimi efektiv: Një person që zotëron inteligjencë sociale nuk dëgjon thjesht për t’u përgjigjur, por i kushton vëmendje çfarë po thotë personi tjetër.

    Aftësi për të biseduar: Ata kanë aftësi të jashtëzakonshme për të biseduar dhe mund të flasin absolutisht me të gjithë njerëzit. Kanë takt, përshtaten lehtë, janë me humor dhe mbajnë mend detaje rreth njerëzve, gjë e cila bën që biseda të jetë e këndshme.

    I kushtojnë rëndësi përshtypjes që lënë te të tjerët: Njerëzit inteligjentë socialë e konsiderojnë të rëndësishme përshtypjen që lënë te njerëzit e tjerë dhe kjo karakteristikë konsiderohet si një nga elementët më të ndërlikuar të inteligjencës sociale.

    Si të rrisni inteligjencën sociale

    Kushtojini vëmendje njerëzve që ju rrethojnë: Njerëzit inteligjentë socialë janë vëzhgues dhe i kushtojnë vëmendje njerëzve me të cilët rrethohen. Nëse shihni dikë që ka aftësi të mira për të ndërvepruar me të tjerët, përpiquni të shihni si sillen dhe çfarë thonë.

    Punoni për të rritur inteligjencën emocionale: Megjithëse e ngjashme me inteligjencën sociale, inteligjenca emocionale ka të bëjë më shumë me mënyrën sesi kontrolloni emocionet tuaja dhe se si lidheni me të tjerët. Një person emocionalisht inteligjent mund të njohë dhe kontrollojë ndjenjat negative, të tilla si zhgënjimi ose zemërimi, kur është në një mjedis të caktuar shoqëror.

    Respektoni dallimet kulturore: Kërkoni informacione për dallimet kulturore, në mënyrë që t’i kuptoni ato. Një person me inteligjencë sociale e kupton që të tjerët mund të reagojnë në varësi të edukimit dhe kulturës së tyre.

    Praktikoni dëgjimin aktiv: Zhvilloni inteligjencën tuaj sociale duke punuar në aftësitë e komunikimit – gjë që kërkon dëgjim aktiv. Kjo nënkupton se nuk duhet të ndërprisni të tjerët, por t’i dëgjoni ata deri në fund.

    Vlerësoni njerëzit e rëndësishëm në jetë: Njerëzit me inteligjencë sociale kanë marrëdhënie të thella me njerëzit që kanë kuptim për ta. Kushtojini vëmendje emocioneve të bashkëshortit/es dhe fëmijëve, miqve, bashkëpunëtorëve dhe kolegëve. Nëse i injoroni njerëzit më të afërt, do ta keni të vështirë të lidheni me ta.

    KEDS vendos 17 trafo të reja në daljen e Ponoshecit të Gjakovës
    Nga Rubrika
    Lifestyle20 Qershor 2024
    Teksa termometri duket se është “çmendur” dhe temperaturat jashtë janë tepër të larta, me siguri që edhe ju jeni nga ata persona...
    Lifestyle19 Qershor 2024
    Gurët në veshka janë mjaft të zakonshëm; afërsisht një në dhjetë njerëz ka probleme me ta të paktën një herë në jetën...
    Lifestyle19 Qershor 2024
    Lëngjet mund të jenë një mënyrë e shijshme dhe freskuese për të marrë disa lëndë ushqyese që i nevojiten trupit tuaj, të...
    Të tjera
    Lajme20 Qershor 2024
    Presidenti Bajram Begaj zhvilloi sot në Berlin një takim me përfaqësues të mërgatës shqiptare në Gjermani. Figura të suksesshme në fusha të...
    Lajme20 Qershor 2024
    Ish-deputeti i LDK-së, Shkumbin Gashi dhe Sylë Balaj janë liruar nga akuza për keqpërdorim me vota për zgjedhjet e shkurtit 2021. Sipas...
    Lajme20 Qershor 2024
    Kryeministri i Kosovës, Albin Kurti dhe ai i Serbisë, Aleksandar Vuçiq do të takohen më 26 qershor në Bruksel. Lajmin për takimin...
    Lajme20 Qershor 2024
    Ka dështuar mbledhja e Komisionit Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm...
    Bota/Rajoni20 Qershor 2024
    Përfaqësuesi i Lartë i BE-së, Josep Borrell, gjatë ditës së sotme dhe të premten do të qëndrojë në Austri, ku do të...
    Sport20 Qershor 2024
    Federata e Futbollit të Serbisë i ka dërguar një letër sekretarit të përgjithshëm të UEFA-s, Teodor Teodoridis, pas skenave në ndeshjen ndërmjet...

    FrontOnline, © 2024 Të gjitha të drejtat e rezervuara.