Policia e Kosovës ka bërë të ditur në raportin 24 orësh, se gjatë inspektimit në shtëpinë e një të dyshuari në Obiliq, i cili kishte qenë në arrest shtëpiak, i njëjti nuk është gjetur në shtëpi, raporton Front Online.

Sipas policisë, i dyshuari është arrestuar dhe është dërguar në mbajtje.

“Është raportuar se gjatë inspektimit në shtëpinë e të dyshuarit mashkull kosovar, i cili ka qenë në arrest shtëpiak, i njëjti nuk është gjetur në shtëpi. Lidhur me rastin gjykata ka lëshuar urdhëresën për arrestim të dyshuarit. Ndërkohë është arrestuar i dyshuari i lartcekur dhe i njëjti është dërguar në qendrën e paraburgimit në Prishtinë”, bëhet e ditur nga PK./Front Online/