Kreu i Komunës së Prishtinës, Shpend Ahmeti, ka publikuar dje një fotografi në të cilën shihet duke fjetur mbi një tavolinë në zyrën e tij.

Përshkrimin që ia kishte vendosur fotografisë, nënkuptonte që në një gjendje të tillë Ahmeti është gjendur meqë s’ka pushuar fare që nga fillimi i pandemisë në Kosovë.

“Mendova se pas 6 muajve një 3-4 ditë pushim po ncuk”, kishte shkruar ai.

E një fotografi e tillë ka bërë gjiron në mediat e vendit.

Megjithatë sot në një reagim tjetër, Shpend Ahmeti, ka thënë se ka bërë hajgare dhe thotë se shpreson që të gjithë ta kenë kuptuar një gjë të tillë.

“Po shpresoj krejt po e dijnë që kam bërë shaka me qet foto, se pe shoh që o bo lajm në të gjitha portalet”, ka shkruar Shpend Ahmeti.