Ka përfunduar takimi i sontëm në mes delegacionit të Kosovës dhe atij të Serbisë në Shtëpinë e Bardhë, shkruan Front Online.

Menjëherë pas takimit është deklaruar për medie kryeminsitri Avdullah Hoti.

Ai ka thënë se nuk bëhet fjalë për asnjë marrëveshje të dëmshme për Kosovën.

“Marrëveshje të dëmshme për kosovën asnjëherë nuk ka ardhë dhe nuk do të vijë nga shtëpia e Bardhë”, deklaroi Hoti.

Hoti gjithashtu ka thënë se ka progres në dialogun me Serbinë, duke theksuar se prioritet është njohja.

“Jemi një hap më afer marreveshjes. Në cdo takim është prioritet njohja e dyanëshme”, deklaroi ai.

Kryeministri Hoti ka bërë të ditur se nesër do të bëhet e qartë marrëveshja që po dialogohet atje.