Pas përfundimit të mbledhjes së Qeverisë, kryeministri i Kosovës Avdullah Hoti ka mbajtur konferencë për medie

Ai ka folur për marrëveshjen e 4 shtatorit në Uashington ndërmjet Kosovës e Serbisë, raporton Front Online.

Hoti ka thënë se marrëveshje ekonomike do të ketë investime mbi 1 miliardë euro, dhe qe pritet që brenda disa muajve të nisin punimet.

“Marrëveshja është hap i madh drejt marrëveshjes finale të marrëdhënieve mes Kosovës e Serbisë. Marrëveshja që është arritur ka dy elemente kryesore e para pjesa ekonomike, ky përfshihen projekte infrastrukturore, autostrada Prishtinë -Merdare, hekurudha Prishtinë -Merdare dhe rrjeti shpërndarës i gazit në Kosovë. Këto projekte kalojnë vlerën mbi 1 miliardë dollar amerikan dhe këto projekte të fillojnë zbatuari menjëherë dhe besoj që për disa muaj”, ka thënë ai.

Shefi i qeverisë ka thënë se njohja nga Izraeli është njohja e parë në tri vitet e fundit. Ai ka thënë se kjo marrëveshje e fuqizon sovranitetin e Kosovës, raporton tutje Front Online.

“Njohja nga Izraeli e rëndësishme për shtetin e Kosovës .Kjo është njohja e parë në tri vitet e fundit dhe është ai trendi negativ dhe kushdo që ka dyshime se kjo marrëveshje e cenon sovranitetin e Kosovës del që është gabim sepse fuqizohet sovraniteti i shtetit të Kosovës”, ka thënë tutje ai.

Më tutje ai ka folur edhe për takimin në Bruksel me palën serbe. Hoti ka thënë se takimi ka qe ë për draftimin e marrëveshjes përfundimtare për njohje reciproke.

Ai sërish ka përsëritur në këto takime as asnjëherë nuk bisedohet për ndarjen e Kosovës.

“Është mbajtur takimi me palën serbe në Bruksel për të draftuar marrëveshjen përfundimtare për njohje reciproke, sepse në asnjë tavolinë nuk bisedohet për territore. Dje kam bërë kërkesë për të raportuar në Kuvendin e Kosovës”, ka thënë Hoti.

Kryeministri Avullah Hoti ka thënë se njohja nga Izraeli nuk ka qenë befasi dhe beson se marrëveshja e Uashingtonit do të zbatohet.

“E para njohja nga Izraeli nuk ka qenë befasi, ka qenë befasi sa shpejt ka ndodhur, unë jam i kënaqur për këtë. Nuk ka më dyshim që marrëveshja do të zbatohet është lidhur në shtëpinë e bardhë, nuk ka ndonjë zyrë tjerë më kredibile për zbatim”, ka thënë Hoti.

Hoti ka thënë se në Shtëpinë e Bardhë ka qenë kundër Mini-Shengenit, por Shtëpia e Bardhë ka kërkuar ët bëhen pjesë e kësaj nisme rajonale dh eai ka pranuar.

“Kur na është shtruar në Uashington kam qenë kundër por më është kërkuar nga Shtëpia e Bardhë kam pranuar, ne të kujdesemi që të mos cenohen interesat e republikës”, ka thënë Hoti./Front Online

https://www.facebook.com/FrontOnlineMedia/videos/787503515409122