Qeveria e Kosovës ende nuk ka marrë ndonjë vendim që lejon mbajtjen e dasmave dhe ahengjeve.
Kështu ka bërë të ditur përmes një postimi në Facebook, vetë kryeministrit i vendit, Avdullah Hoti.
Tek me datën 1 korrik sipas tij do të vlerësohet nëse ka kushte për mbajtjen e aktiviteteve të tilla, shkruan FRONT ONLINE.
Postimi i tij i plotë:
Qeveria e Kosovës ende nuk ka vendosur për lejimin e dasmave dhe ahengjeve. Më datën 1 korrik, përfaqësuesit e estradës dhe hotelerisë do të takohen me Komisionin Ekzekutiv për luftimin, monitorimin dhe reagimin ndaj #COVID19 për të vlerësuar nëse ka kushte që të zhvillohen aktivitete të tilla.
Të gjitha masat lehtësuese që janë ndërmarrë deri më tani, janë duke u monitoruar nga afër dhe po vlerësohen vazhdimisht nga Instituti Kombëtar i Shëndetësisë Publike dhe Komisioni brenda Ministrisë së Shëndetësisë.
Prandaj, kërkohet nga qytetarët që të tregojnë kujdes dhe t’i respektojnë masat. Në të kundërtën, në rast të përkeqësimit të situatës, prioritet mbetet jeta e qytetarit dhe do të fillojmë me aplikim të masave të reja për mbrojtje nga përhapja e virusit!
