Pas mbledhjes së Qeverisë së Kosovës, ku është votuar plotësim ndryshimi i Ligjit për Buxhetin e Republikës së Kosovës për vitin 2020, Kryeministri Hoti së bashku me ministre e Ministrisë së Financave, Hykmete Bajrami, ka mbajtur një konferencë për media, raporton Front Online.

Kryeministri Hoti tha se ky plotësim-ndryshimi i këtij Ligji i ka hapur rrugë fillimit të programit qeverisës.

“Me plotësim ndryshimin e buxhetit e kemi bërë hapin e parë për fillimin e zbatimit të programit qeverisë. Me këtë ne është dashur t`i mbulojmë të hyrat si rezultat e pandemisë dhe gjithashtu për të krijuar fondin për 385 milion euro. Ky fond e plotëson rënien ekonomike si pasojë e pandemisë, ku fond do të ndahet ku do të përfiton e gjithë lista e cila është prekur nga pandemia”, ka thënë Hoti.

Hoti tha se së shpejti do të fillon rimëkëmbja e ekonomisë pas humbjes që i pati nga pandemia e Coronavirusit.

“Ne besojmë që së shpejti do të fillojmë me rimëkëmbjen ekonomike së bashku me donator dhe më bashkëpunëtorë”, ka thënë ndër të tjera kryeministri.

Hoti ka theksuar se buxheti është gati dhe që së shpejti i njëjti do të dërgohet për votim në Kuvend.

“Tani buxheti shpejt do t`i dërgohet Kuvendit për miratim. Unë e lus Kuvendin që sa më parë ta fus në rend të ditës pasi që kjo është vetëm fillimi i zhvillimit ekonomik”, ka thënë Hoti.

Ndërsa, ministria e Ministrisë së Financave, Hykmete Bajrami, tha se objektiv e këtij buxheti ka qenë adresimi i rënieve nga të hyrat gjatë pandemisë së Coronavirusit dhe rimëkëmbja e ekonomisë pas pandemisë, raporton Front Online.

“Ashtu siç e tha kryeministri ne sot e miratuam buxhetin me 2 miliard e 620 milion euro”./Front Online

https://www.facebook.com/FrontOnlineMedia/videos/2609164432669045/