Ambasadori Gjerman në Kosovë, Christian Heldt, ka reaguar pas një postimi të kryeparlamentares, Vjosa Osmani, e cila i bëri thirrje Qeverisë të tregohet e vëmendshme pas rasteve të shtuara me COVID-19 në Kosovë.

Held ka falënderuar Osmanin, e cila ka ngritur këtë shqetësim, ndërsa ka thënë se parandalimi i pandemisë është i rëndësishme pasi sipas tij të gjithë i dimë kapacitet e trajtimit.

“Faleminderit Vjosa Osmani për ngritjen e kësaj. Parandalimi është kaq i rëndësishëm me kapacitetet e trajtimit që ne të gjithë i njohim. Njerëzit duhet të vazhdojnë të distancohen, të bartin maska dhe të respektojnë rekomandimet themelore të IKSHPK-së. Është e mërzitshme, por shpëton jetë. Korona nuk është vetëm një grip. Bëhu përgjegjës”,ka shkruar Held në Twitter ku ka shpërndarë edhe postimin e Osmanit.

Thank you, @VjosaOsmaniMP, for raising this. Prevention is so important with treatment capacities we all know. People should please continue distancing, wear masks and abide basic NIPH recommendations. It’s boring, but it saves lives. Corona is not just a flu. Be responsible ?? https://t.co/XJViyV1SDx

— Ambassador Christian Heldt (@GermanAmbKOS) June 28, 2020