Nënkryetari i LDK-së, Lutfi Haziri ka folur për rastet e fundit të arrestimeve në Kosovë nga Gjykata Speciale.

Haziri i ftuar në emisionin “Debat” të RTK-së beson se kjo Gjykatë është instanca e fundit që duhet ta mbyll kapitullin e luftës.

“Kam thënë se Kosova duhet të pastrohet, lufta duhet të pastrohet pasi që 15 vjet jemi duke u marrë më këtë. Lufta duhet të lahet me drejtësi dhe kjo tash duhet të mbyllet”, shtoi ai.

“Në dy proceset e mëhershme është tentuar të vendoset drejtësi me disa nënkomandatë, por jo të nivelit të lartë, pasi që janë kërkuar arrestime të peshqve të mëdha. Pra, janë bërë kërkesa deri në ditën kur prokurori doli me njoftim për Thaçin dhe Veselin dhe nëntë të tjerë”, u shpreh ai.