Anëtarja e Kryesisë së Lëvizjes Vetëvendosje, Albulena Haxhiu thotë se Qeveria Kurti ishte e përkushtuar për të adresuar krimet e luftës nga Serbia.

Kjo sipas saj ndodhi me mbështjetjen e institucioneve për hetimin e gjykimin e krimeve të luftës dhe së dyti me themelimin e Institutit për krimet e kryera gjatë luftës.

Ajo thotë se ekipi i mandatuar për themelimin e ekipit kishte nisur punën, por nuk u lejua finalizmi për shkak të pazareve për rrëzimin e Qeverisë.

Haxhiu thotë se kësaj qeveria iu deshën gjashtë muaj për një vendim. E zvarritje sipas saj tregon mungesën e vullnetit për adresimin e krimeve të luftës.

Thotë se kjo Qeveri po e shkatërron këtë nismë të mirë të Qeverisë Kurti.

Sipas Haxhiut fat i mirë është që kjo Qeveri nuk ka jetëgjatësi dhe punët e mira do shtyhen përpara me vullnet dhe angazhim maksimal.

Ky është postimi i saj i plotë:

Qeveria Kurti ishte e përkushtuar për adresimin e krimeve të luftës të shkaktuara nga Serbia. Së pari, me mbështetjen e institucioneve për hetimin dhe gjykimin e krimeve të luftës dhe së dyti, me themelimin pa vonesa të Institutit për krimet e kryera gjatë luftës së fundit në Kosovë.
Ekipi i mandatuar për themelimin e Ekipit kishte nisur punën në këtë drejtim. Mandati i tij ishte deri në shtator 2020.
Për shkak të pazareve për rrëzimin e Qeverisë nuk na lejuan ta finalizojmë.
Qeverisë së pazareve të vjetra, kësaj aktuales iu deshën 6 muaj për ta bërë një vendim, e një ekip. Kjo zvarritje për një çështje tejet me rëndësi dëshmon mungesën e vullnetit për adresimin e krimeve të luftës.
Kjo Qeveri po e shkatërron secilën nismë të mirë të Qeverisë Kurti. Fat i mirë që kjo Qeveri nuk ka jetëgjatësi dhe punët e mira që i kemi nisur, do t’i shtyejmë përpara me vullnet dhe angazhim maksimal.