Vazhdon dhuna në familjet e Kosovës. Por kësaj radhe një grua në Han të Elezit ka sulmuar bashkëshortin e saj me sëpatë dhe lopatë.

Reporteri.net nga burime të saj në Policinë e Kosovës në Han të Elezit mëson së e dyshuara sherrin e ka filluar duke bërtitur me tone shumë të larta nëpër shtëpi.

Siç tregon ky burim i Reporterit.net, viktima (emër i njohur për redaksinë) ka arritur t’I shpëtoj goditjes me sëpatë. Por e dyshuara nuk është ndalur me kaq. Ajo ka marrë një lopatë dhe ka tentuar ta godasë bashkëshortin. Nuk dihen arsyet e këtij sulmi.

“I.V I cili është paraqitur në stacionin policor dhe ka deklaruar bashkëshortja e tij fillimisht kishte bërtitur me tone të larta në shtëpi, e më pas e kishte marrë një sëpatë ku kishte dashur ta godasë bashkëshortin e saj. Mirëpo ai ia kishte larguar sëpatën nga dora. Më pas e dyshuara kishte tentuar edhe më një lopatë ta godasë viktimën mirëpo nuk e kishte arritur qëllimin. Pas kësaj ajo me lopatë kishte thyer dritaren e shtëpisë së xhaxhit të viktimës”, tregon ky burim.

Palët e përfshira në këtë rast janë intervistuar nga njësiti i dhunës në familje pranë stacionit policor të Hanit të Elezit dhe pas konsultimit me prokurorin kujdestar rasti është iniciuar si dhunë në familje. Palët janë liruar në procedurë të rregullt.