Policia e Kosovës, ka njoftuar se të shtunën në qytetin e  Pejës  janë grumbulluar rreth 800 persona, duke mos respektuar kështu masat për parandalimin e  virusit COVID-19, raporton Front Online.

Policia ka njoftuar se personat ishin kryesisht të moshës së re.

“Njësitë policore kanë dalë në atë lokacion ku ishin të grumbulluar 600 rreth 800 persona kryesisht të moshës se re. Aty nuk ishte duke u respektuar masat për parandalimin e Covid-19. Policia ka shoqëruar në stacion policor pronarët e lokaleve si dhe kanë bërë shpërndarjen e masës, një i dyshuar mashkull kosovar është arrestuar pasi që i njëjti ka penguar zyrtarët në kryerjen e detyrës zyrtare. Me urdhër të prokurorit i dyshuari është liruar në procedurë të rregullt”, thuhet në njoftimin e Policisë së Kosovës./Front Online