×
  • Lajme
  • Lajme

    Gjykatësi që rihapi shqyrtimin kryesor në rastin ndaj Granit Elshanit pritet të pensionohet pas 1 jave

    FrontOnline
    23 Shtator 2020

    Me 21 shtator të këtij viti ishte caktuar të shpallej aktgjykimi ndaj Granit Elshanit, i cili nga Prokuroria Speciale e Republikës së Kosovës (PSRK) akuzohet për vrasje të rëndë, tri tentim vrasje dhe shkaktim të rrezikut të përgjithshëm. Mirëpo, një gjë e tillë nuk kishte ndodhur, pasi ishte rihapur shqyrtimi kryesor, për shkak të dilemave në vërtetimin e disa fakteve.

    Rihapjen e shqyrtimit kryesor e kishte bërë trupi gjykues i kryesuar nga gjykatësi Sylë Lokaj, me anëtarë gjykatësit Prek Palushi dhe Sulltan Dobraj, raporton “Betimi për Drejtësi”.

    Sipas gjykatësit Lokaj, pas më shumë se 3 orë diskutim, kishin konstatuar kundërthënie në mes të deklarimit të dëshmitarit Hasan Buqaj dhe atë të ekspertit mjekoligjor, sa i përket pozicionit të qitjes me armë në natën kritike.

    Por, rigjykimi për këtë rast, i cili deri më tani ka zgjatur rreth 1 vit e 7 muaj, mund të zgjasë edhe më shumë se sa parashihet.

    Kjo pasi gjykatësit Lokaj, me 1 tetor të këtij vitit, pritet t’i përfundohet mandati i ushtrimit të funksionit të gjykatësit, për shkak të arritjes së moshës së pensionimit.

    Një gjë të tillë, e ka konfirmuar zëdhënësja e Gjykatës së Pejës, Tringa Zhuti.

    Pensionimi i gjykatësit shkakton përfundimin e mandatit të gjykatësit, sipas Ligjit mbi Gjykatat, të paraparë në nenin 34, paragrafi 1, pika 1.4.

    E në bazë të nenit 310, paragrafit 1 të Kodit të Procedurës Penale, kur përbërja e trupit gjykues është ndryshuar, shqyrtimi gjyqësor i shtyrë fillon rishtas.

    Mirëpo, në rastin e tillë, trupi gjykues pas dëgjimit të palëve mund të vendosë që dëshmitarët dhe ekspertët të mos merren sërish në pyetje dhe të mos bëhet këqyrja e re e vendit, por të lexohen deklarimet e dëshmitarëve dhe ekspertëve të dhëna në shqyrtimin e mëparshëm gjyqësor, apo të lexohet procesverbali i këqyrjes së vendit.

    Ndryshe, lidhur me këtë rast, Gjykata Themelore në Pejë, me 30 maj të vitit 2018, ka shqiptuar 25 vjet burgim, ndaj Granit Elshanit, i cili akuzohet për vrasje dhe tri tentim vrasje, për ngjarjen që kishte ndodhur në natën e 2 janarit të vitit 2010, në diskotekën “City Club”, në Pejë.

    Kurse, Apeli kishte anuluar aktgjykimin në fjalë, duke miratuar ankesën e mbrojtësit të mëparshëm të akuzuarit Granit Elshani, avokati Ndrecë Dodaj, për shkak se aktgjykimi i shkallës së parë ishte marrë në shkelje esenciale të dispozitave të procedurës penale dhe vërtetim jo të plotë të gjendjes faktike.

    Gjykata e shkallës së dytë ka vlerësuar se dispozitivi i aktgjykimit të shkallës së parë, është në kundërshtim me vetveten dhe me arsyetimin e aktgjykimit dhe nga provat e administruara ka kundërthënie në mes dëshmive të dëshmitarëve rreth përshkrimit të personit i cili ka shtënë me armë.

    Sipas aktakuzës Prokurorisë Speciale të ngritur më 25 nëntor 2016, thuhet se më 2 janar të vitit 2010, në diskotekën “City Club” në Pejë i akuzuari Granit Elshani, kishte hyrë me dy revole të tipit “TT” dhe kishte filluar të shtinte në drejtim të tani të ndjerit Besart Shabi dhe Valdet Kelmendit, i cili ishte plagosur.

    Siç përshkruhet në aktakuzë, natën kritike Granit Elshani, shënjestër të vrasjes kishte anëtarin e familjes Kelmendi, Valdetin, por që plumbi kishte goditur Besart Shabi, i cili kishte qëlluar afër tij.

    Sipas prokurorit, atë natë lëndime kishin pësuar edhe persona të tjerë që ishin mbledhur për të festuar, ndër ta edhe zyrtari policor, Hasan Buqaj.

    Nga Rubrika
    Lajme13 Maj 2025
    Kryetari i PSD-së, Dardan Molliq, ka komentuar aksionin e sotëm të veteranëve të UÇK-së për të kundërshtuar vizitën në Kosovë të kryetares...
    Lajme13 Maj 2025
    Pas anulimit të konferencës së planifikuar për media në Prishtinë, kryetarja e Dhomave të Specializuara të Kosovës, Ekaterina Trendafilova është kthyer në...
    Lajme13 Maj 2025
    Pasi përfundimisht Kosova mbeti edhe sivjet jashtë agjendës së Komitetit të Ministrave të Këshillit të Evropës, deputetja e Partisë Demomkratike të Kosovës,...
    Të tjera
    Lajme13 Maj 2025
    Ministri në detyrë i Mbrojtjes, Ejup Maqedonci, ka njoftuar sot nënshkrimin e Marrëveshjes së Bashkëpunimit për Ndërveprueshmëri dhe Siguri në Komunikim (CISMOA)...
    Bota/Rajoni13 Maj 2025
    Një aksident ka ndodhur këtë të martë në Korçë në afërsi të shkollës Sotir Gura. Një vajzë 12 vjeçare e cila mendohet...
    Lajme13 Maj 2025
    Kosova nuk është përfshirë në agjendën e ministerialit të Këshillit të Evropës, takim ky që mbahet në Luksemburg. Kjo është bërë e...
    Bota/Rajoni13 Maj 2025
    Një situatë e paprecedentë ka ndodhur në një prej qendrave të votimit në Tiranë. 7 personat, të cilët janë vëzhgues në KZAZ...
    Lajme13 Maj 2025
    Konferenca e kryetares së Dhomave të Specializuara të Kosovës, Ekaterina Trendafilova është anuluar. Sipas njoftimit zyrtar, kjo konferencë është anuluar në interes...
    Lajme13 Maj 2025
    Ish-Presidenti Hashim Thaçi përmes mbrojtjes së tij të kryesuar nga avokatja Sophie Menegon ka parashtruar ankesë në Gjykatën Speciale në Hagë me...
    -->

    FrontOnline, © 2025 Të gjitha të drejtat e rezervuara.