Seancat gjyqësore ku ka dëshmitarë të mbrojtur zhvendosen në Gjilan, kur ka sistem që mbron dëshmitarët e mbrojtur.
Brenda këtij objekti, janë 16 salla të gjykimit.
Por, brenda Gjykatës Themelore në Prishtinë, në Departamentin Special të saj mungon një sistem i rëndësishëm.
Bëhet fjalë për pajisjen që mundëson ruajtjen e identitetit të dëshmitarëve të mbrojtur, kur ata merren në pyetje në këto sallë të gjykimit.
Është misioni i EULEX-it në Kosovë, që në raportin e publikuar së fundmi thekson nevojën që duhet siguruar pajisjen e nevojshme që mbron dëshmitarët nga identifikimi.
Sipas të njëjtit raport, një zhvendosje e tillë është e panevojshme.
Që ka mungesë të këtij sistemi, e konfirmojnë edhe nga Gjykata Themelore në Prishtinë.
Në një përgjigje për televizionin kanë thënë se seancat gjyqësore ku ka dëshmitarë të mbrojtur zhvillohen në Gjykatën Themelore në Gjilan.
Ndryshe, Pallati i Drejtësisë konsiderohet një nga objektet më moderne të llojit të tij, por që disa herë është përballur me probleme teknike.
