×
  • Lajme
  • Lajme

    Gjuriq deklarohet rreth librit që u pa në takimin mes Varhelyit e Vuçiq

    FrontOnline
    17 Korrik 2020

    Marko Gjuriq, drejtori i të ashtuquajturës Zyrës për Kosovën në Qeverinë e Serbisë, i është përgjigjur ministres së Punëve të Jashtme të Kosovës, Meliza Haradinaj-Stubllës, për komentin e saj rreth librit shovinist, ku Kosova paraqitej edhe me zgjatimin “Metohija”, në takimin mes komisionerit evropian, Oliver Varhelyit dhe presidentit serb, Aleksandër Vuçiq.

    “Jam i vetëdijshëm se trashëgimia e krishterë është një temë e dhimbshme për ju, sepse ekstremistët shqiptarë dogjën rreth 150 kisha ortodokse serbe në 1999 dhe 2004″, ka shkruar Gjuriq në llogarinë e tij në Twitter.

    Haradinaj-Stublla e quajti këtë takim, të ilustruar me anë të një fotografie nga vetë Varhely, e ku shihej libri “The Christian Heritage of Kosovo and Metohija” (Prejardhja e krishterë e Kosovës dhe Metohisë), më shumë se sa një skandal diplomatik.

    Ministrja ka vazhduar duke thënë se “projeksionet e tilla kanë vdekur, bashkë me regjimin gjenocidal të Millosheviqit”.

    “Këtë duhet ta ketë të qartë çdo tavolinë, e çdo përfaqësues: Republika e Kosovës është një dhe e pacenueshme. Kosova e 17 Shkurtit nuk preket”.

    Nga zyra e Varhelyit, Maja Kocijançiq, ka sqaruar se takimi u mbajt nga Presidenti Vuçiq në misionin e Serbisë në BE dhe jo në zyrën e Komisionerit.

    “Takimi u prit nga Presidenti Vuçiq në misionin e Serbisë në BE (pra jo në zyrën e Komisionerit)”, ka thënë Kocijançiq për Insajderin.

    Ajo tutje ka potencuar se Komisioneri dje është takuar edhe me kryeministrin e Kosovës, Avdullah Hotin dhe mban kontakte të rregullta dhe të vazhdueshme me të dyja palët, në përputhje me politikën e vendosur të BE-së dhe prioritetet e saj ndaj Ballkanit Perëndimor.

    “Ai mban kontakte shumë të rregullta me Kosovën dhe Serbinë, në përputhje me politikën e vendosur të BE-së dhe përparësinë që i japim Ballkanit Perëndimor”, ka përfunduar ajo.

    Nga Rubrika
    Lajme13 Gusht 2025
    Gjykata Themelore në Prishtinë, Departamenti i Krimeve të Rënda ka aprovuar kërkesën e Prokurorisë Themelore në Prishtinë duke caktuar masën e paraburgimit...
    Lajme13 Gusht 2025
    Arben Mustafa nga Partia Demokratike e Kosovës, ka komentuar emërimin e Mentor Hysenit, drejtor të Administratës Tatimore të Kosovës, duke thënë se...
    Lajme13 Gusht 2025
    Departamenti Amerikan i Shtetit ka publikuar Raportin për të Drejtat e Njeriut për vitin 2024 për Kosovën. Në pjesën për lirinë e...
    Të tjera
    Sport13 Gusht 2025
    Shtëpia evropiane e futbollit, UEFA, e ka publikuar renditjen e re. Sipas kësaj rangliste, Superliga e Kosovës është e 37-ta në Evropë....
    Lajme13 Gusht 2025
    I është caktuar masa e paraburgimit prej një muaji Top Kolshit, të arrestuarit për vrasjen e Enver Bajraktarit në Baicë të Lipjanit....
    Lajme13 Gusht 2025
    Deputetja e PDK-së, Blerta Deliu-Kodra ka reaguar pas emërimit të Mentor Hyseni drejtor të Administratës Tatimore të Kosovës. Ajo ka thënë se...
    Lajme13 Gusht 2025
    Ministrja në detyrë, Albulena Haxhiu, pritet të jetë sërish kandidate e Vetëvendosjes për kryetare të Kuvendit. Deputetja e LVV-së, Arbëreshë Kryeziu, tha...
    Lajme13 Gusht 2025
    Ka përfunduar seanca ndaj Top Kolshit, të dyshuar për vrasjen dhe groposjen e Enver Bajraktarit në Baicë të Lipjanit. Kolshi u arrestua...
    Lajme13 Gusht 2025
    Deputetja e PDK’së, Vlora Çitaku, ka reaguar pas emërimit të anëtarit të VV’së Mentor Hyseni në krye të ATK’së. Ajo ka thënë...
    -->

    FrontOnline, © 2025 Të gjitha të drejtat e rezervuara.