Dhjetëra mijëra alarme kanë dalë nga sirenat në të gjithë Gjermaninë, për herë të parë që nga fundi i luftës së ftohtë, në një provë mbarëkombëtare të krijuar për të informuar popullatën se çfarë duhet të bëjë në një katastrofë dhe për të provuar gatishmërinë e shërbimeve të urgjencës.

Alarmet u dëgjuan në orën 11 të mëngjesit, dhe sërish më pas 20 minuta më vonë.

Janë bërë përpjekje paraprakisht për të informuar shkollat, qendrat e kujdesit dhe strehëzat e azilkërkuesve, mes frikës se sirenat mund të shkaktonin panik masiv ose të traumatizonin njerëz të moshuar ose refugjatë që mund të lidhin sirenat me kohën e luftës.

“Ne kemi një popullsi shumë të papërgatitur,” tha Christoph Unger, president i zyrës federale për mbrojtjen civile dhe lehtësimin e katastrofave.

Në kulmin e luftës së ftohtë, kishte rreth 86,000 sirena në të gjithë Gjermaninë. Shumica u shpërbë në kohën e ribashkimit gjerman në 1991 por ato ende ekzistojnë në shumicën e qyteteve.

Në Berlin, shumica e sistemeve të alarmit u çmontuan vitet e fundit pas ankesave nga banorët në lidhje me zhurmën. Disa rajone, të tilla si Saksonia dhe Bavaria rivendosën sirenat pas përmbytjeve të mëdha në 2002.

“Ne jemi të vetëdijshëm se pjesërisht nuk funksionoi,” tha një zëdhënëse e BBK qeverisë. “Kishte vonesa për shkak të mbingarkesës së sistemit paralajmërues modular. Ne do të mundohemi ta rregullojmë gjithçka. Është mirë t’i trajnojmë të rinjtë se çfarë të bëjnë në një rast emergjencë”, shtoi ajo.