×
  • Lajme
  • Lajme

    Fushë-Kosova vendos që mësimi të fillojë në objektet shkollore më 1 shtator

    FrontOnline
    20 Gusht 2020

    Kryetari i Komunës së Fushë-Kosovës, Burim Berisha, ka thënë se mësimin do ta fillojnë në objektet shkollore më 1 shtator.

    Në mbledhjen e Shtabit Emergjent të kësaj komune, Berisha ka theksuar se bazuar në vendimin e Qeverisë, iu përket komunave që të vendosin rreth procesit mësimor. Në njoftimin e kësaj komune, thuhet se tashmë i kanë bërë të gjitha përgatitjet për këtë dhe se mësimi do të zhvillohet me orar të shkurtuar dhe pa pushim

    “Kryetari i Komunës së Fushë-Kosovës, Burim Berisha, njoftoi të pranishmit se pas vendimit të Qeverisë së Kosovës që komunat janë kompetente për vlerësimin e mundësisë së fillimit të vitit të ri shkollor, ne si komunë, tha ai ‘kemi vendosur që procesi mësimor të fillojë më 1 shtator 2020”, thuhet në njoftimin e Komunës së Fushë-Kosovës. “Janë bërë të gjitha përgatitjet që procesi mësimor të fillohet sipas modaliteteve të përcaktuara nga Drejtoria e Arsimit. Muaji shtator dhe tetor sigurisht se do të jenë më të vështirë derisa të normalizohet procesi”, u tha më tej.

    Sipas të njëjtit njoftim, drejtori për Arsim, Islam Shabani, ka theksuar se do të punojnë shumë që të zbatojnë rekomandimet e IKSHPK-së, për një fillim të vështirë, por sipas tij, të domosdoshëm dhe të nevojshëm të procesit mësimor.

    “Mësimi do të fillojë në grupe sipas planit dinamik të hartuar, pastaj orari do të jetë i shkurtër dhe pa pushim. Si sfidë e shohim ndarjen e nxënësve nëpër grupe, krijimin e distancës, por më e vështira do të jetë transporti i nxënësve të shkollave të mesme nga fshatrat për në Fushë Kosovë ku shumica e nxënësve udhëtojnë me autobus. Si sfidë e shohim edhe zëvendësimin e arsimtarëve, por që në koordinim me Ministrinë e Arsimit, shpresojmë të gjejmë zgjidhje. Lëndët kryesore do të jenë prioritet i zhvillimit të procesit mësimor”, është shprehur drejtori Islami, raporton Koha.

    Në anën tjetër, drejtori i QKMF-së, Osman Maxhera, e ka paraqiti një raport për situatën epidemiologjike në komunën e Fushë-Kosovës dhe raportin e fundit të infektuarve me Covid-19. Siç thuhet në njoftim, Maxhera ka deklaruar se edhe përkundër një rënie të numrit të infektuarve gjatë muajit gusht, gjendja nuk është e mirë.

    “Sa i përket fillimit të procesit mësimor Dr.Maxhera tha se kriter i vetëm për të filluar mësimin është respektimi i masave të dhëna nga IKSHPK. Në fund të takimit kryetari Berisha tha se në bazë të diskutimeve, si Shtab e vlerësojmë që procesi mësimor të fillojë më 1 shtator duke i dhënë liri të plotë veprimi Drejtorisë komunale të Arsimit dhe drejtorëve të të gjitha shkollave në komunën e Fushë-Kosovës”, thuhet në ndër të tjera në njoftim.

    Mësimi në objektet shkollore është ndërprerë në fillim të këtij viti për shkak të pandemisë COVID-19.

    1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj
    Nga Rubrika
    Lajme29 Mars 2024
    Zyrtari i LDK-së, Visar Azemi, ka thënë se sot KEK-u ka dhënë dy kontrata përmes tenderëve të negociuar që kapin vlerën mbi...
    Lajme29 Mars 2024
    Shefi i Grupit Parlamentar të AAK-së, Besnik Tahiri, e ka lëshuar mbledhjen e kryesisë së Kuvendit pasi ka një tendencë për ta...
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...
    Të tjera
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...
    Lajme29 Mars 2024
    Ministri i Mbrojtjes, Ejup Maqedonci, ka pritur në takim homologun e tij italian, Guido Crosetton, i cili është duke qëndruar për vizitë...
    Vip29 Mars 2024
    Sipas një video që po qarkullon në rrjet, reperi Sin Boy është sulmuar brutalisht nga disa persona të maskuar. Sin Boy ishte...
    Lajme29 Mars 2024
    Aleanca për Ardhëmrinë e Kosovës, gjegjësisht Besnik Tahiri ka thënë pas mbledhjes së Kryesisë së Kuvendit se Kurti tashmë është dorëzuar dhe...
    Lajme29 Mars 2024
    Shefi i deputetëve të Partisë Demokratike të Kosovës, Abelard Tahiri, ka thënë se kanë propozuar themelimin e një Komisioni Hetimor për financimin...
    Lajme29 Mars 2024
    Shefi i grupit parlamentar i AAK-së, Besnik Tahiri, dhe ai i LDK-së, Arben Gashi, kanë lëshuar sallën ku po mbahej mbledhja e...

    FrontOnline, © 2024 Të gjitha të drejtat e rezervuara.