Evropa duhet të përmirësojë më tej logjistikën e saj, sidomos nëpërmjet ndërtimit të rrjeteve moderne hekurudhore me shpejtësi të lartë, që mundëson komunikim të shpejtë dhe ulje të mjedisit. Një propozim për Komisionin Evropian – për hekurudha të shpejta është propozuar nga Forumi Ekonomik i Vjenës me një kosto mbi 1 miliardë euro, e ku përfshihet edhe Kosova.
Forumi i Ekonomik i Vjenës i ka rekomanduar Komisionit Evropian të financojnë ndërtimin e linjave hekurudhore të shpjeta, njëra prej të cilëve propozohet të kalojë edhe në Kosovë. Ringritja pas Covidit, parasheh linjën e cila prekë edhe Shqipërinë do të nisë në Berlin, Çeki, Austri, Kroaci, Bosnjë, Mal i Zi, Bullgari, Serbi, Rumani, Hungari, Maqedoni, Greqi dhe Qipro.
Profesori i Ekonomisë, Mejdi Bektashi thotë se ky projekt i jep hov të madh zhvillimit ekonomik të Kosovës.
“Arsyeja është shumë e thjeshtë, investimet janë shumë të mëdha ulin koston e transportit, Komisioni Evropian nuk mund të funksionojë pa trena të shpejtë”, thotë Mejdi Bektashi, profesor i Ekonomisë.
Hekurudha duhet të lidhë qytetet më të zhvilluara të Evropës me vendet e pazhvilluara siç janë ato të ballkanit perëndimorë. Bektashi thotë se ky projekt është edhe një përgjigje ndaj investimeve ruse dhe kineze në Ballkan.
“Unë këtë e shoh si një kundërpërgjigje, ndaj influencës kineze dhe ruse për ti zënë korridoret, në trasnportin e mallrave. Propozimi synon ndërtimin e një rrjeti hekurudhor të shpejtësisë së lartë 250-300 kilometër në orë. Në pjesën Shqiptare, hekurudha do të futet në Shqipëri në qarkun e Shkodrës nga Mali i Zi dhe më pas do të vijojë në Lezhë dhe përmes rrugës së Kombit të përshkojë Kosovën”, shton Bektashi.
Minsitri i Infrastrukturës, Arban Abrashi thotë se është Qeveria është e gatshme të përfshihet në investimet në hekurudha që lidhin Kosovën dhe Shqipërinë.
Rrjeti i ri hekurudhor parashikohet të jetë 18,249 kilometër e gjatë. Shtrirja e kësaj linjë në Ballkanin Perëndimor pritet të ketë një kosto 49 miliardë eurosh. Në Kosovë rrjeti propozohet të ketë një gjatësi prej 166, ndërsa në shqipëri 304 kilometra./RTK
