Lajme

Fillon seanca e Kuvendit të Kosovës

Fillon seanca e Kuvendit të Kosovës
11:06 | 09 Korrik 2020

Kuvendi i Kosovës sot ka filluar të mbajë seancën e radhës me 40 minuta vonesë për shkak se kishte për të filluar në ora 10:00.

Janë tre seanca plenare që do të mbahen – dy të lëna në gjysmë më parë dhe një do të jetë e re.

Vazhdimi i seancave do të jetë për marrëveshjet ndërkombëtare dhe për votimin e propozim rezolutës së Kryeministrit Avdullah Hoti për dialogun.

Kurse seanca e re ka të bëjë me kërkesën e Komisionit Hetimor Parlamentar për menaxhimin e pandemisë nga Qeveria.

Kryetarja e Kuvendit të Kosovës, Vjosa Osmani, në hyrje të seancës ka thënë se të gjithë deputetët duhet të respektojnë rekomandimet e MSH-së për parandalimin e përhapjes së Covid-19.

“Dua t’ua tërheq vëmendjen lidhur me rëndësinë e masave nga pandemia Covid-19. Duke u bazuar në manualin e ministrisë. Gjatë seancës janë të obliguar gjithë deputet e gjithë administratat dhe të gjithë anëtarët e kabinetit në mënyrë strikte , distanca fizike prej dy metra dhe përdorimi i maskave nga secili. Kushdo që i shkel rregullat nuk lejohet qëndrimi në seancë”.

“Kërkohet të mbahet higjiena. Rekomandohet të diskutohet nga ulësja që të kemi sa më pak njerëz që e përdorin foltoren kryesore. Duhet të dezinfektohet vazhdimisht foltorja. Do të kemi pauza për t’u ajrosur salla plenare. Gjithë ata që kanë simptoma (kollë, probleme me frymëmarrje) të qëndrojnë në shtëpi. Nëse keni qenë rast kontakti vetëizoloheni për 14 ditë e të mos keni kontakt. Rregullat e rekomandimet tjera i gjeni edhe në dokumentet tjera të publikuara nga Ministria e Shëndetësisë si manuali por edhe në vendimet e marra së fundit, që kërkoi Ministria e Shëndetësisë a Qeveria t’ia dërgojë Kuvendit me shkrim”, ka thënë Osmani.

https://www.facebook.com/FrontOnlineMedia/videos/294331231759565/

Petrol Company zbret çmimet në Ditën e Verës: Benzinë 1.70 euro dhe Diesel 1.85 Euro për litër

Të tjera