Komuna e Prishtinës ka filluar sot renovimin e tërësishëm të çerdhes publike “Shtëpia Magjike”, në Besi, raporton “Front Online”.

Lajmi është bërë i ditur nga Komuna e Prishtinës, teksa është konfirmuar që do të bëhet renovimi i tërësishëm i çerdhes.
Njoftimi i plotë i komunës:

Po e fillojmë javën me një lajm të mirë për banorët e fshatit Besi.

Kopshti “Shtëpia Magjike” në fshatin Besi u hap në dhjetor të vitit 2015 dhe është çerdhja e parë e hapur në pjesën rurale të Prishtinës. Numri i fëmijëve është rritur vazhdimisht, prandaj edhe kemi filluar punimet e ndërtimit të aneksit për hapësirë shtesë dhe renovimin e tërësishëm të objektit ekzistues.

Edukimi i hershëm me kosto të përballueshme është investimi i duhur që e bëjmë si shoqëri për të siguruar gjithëpërfshirje dhe një të ardhme të sigurt për fëmijët tanë. /Front Online