×
  • Lajme
  • Lajme

    Fillojnë takimet Kosovë-Serbi në Bruksel

    FrontOnline
    27 Gusht 2020

    Në Bruksel kanë nisur takimet në nivel ekspertësh në kuadër të dialogut ndërmjet Kosovës dhe Serbisë të lehtësuar nga Bashkimi Evropian.

    Siç është bërë tashmë praktikë, edhe sot palët së pari zhvillojnë takime bilatarele me të dërguarin e Posaçëm për dialog Mirosllav Lajçak dhe zyrtarët e BE-së, e më pas zhvillohet edhe takimi i përbashkët ndërmjet tri palëve.

    Takimet bilaterale të BE-së me delegacionin e Kosovës, e pastaj edhe atë të Serbisë do të zgjasin tërë paraditen. Pastaj do të ketë një pushim për drekë për të vazhduar pasdite me takimin trepalësh. Sipas burimeve të BE-së, të cilat nuk kanë dhënë shumë hollësi, gjatë takimeve të sotme do të diskutohet për dy tema; të zhvendosurit dhe bashkëpunimi ekonomik. Për të dy këto tema ishte diskutuar edhe në takimin e fundit në nivel ekspertësh në muajn korrik.
    Delegacionin e Kosovës në bisedimet e nivelit të ekspertëve e udhëheq koordinatori shtetëror për dialogun, Skender Hyseni, ndërsa ai pritet të jetë i shoqëruar edhe nga Muhamet Mustafa dhe Ibrahim Makolli si ekspertë për temat që janë në rend dite.

    Delegacionin e Serbisë e udhëheq shefi i Zyrës për Kosovën në Qeverinë e Serbisë, Marko Gjuriq.

    Prej kur kishte rifilluar dialogu në nivelin e lartë, pos dy takimeve të kryeministrit të Kosovës, Avdullah Hoti, dhe presidentit të Serbisë, Aleksandar Vuçiq, janë zhvilluar edhe tri takime në nivel ekspertës. Shefi i delegacionit të Kosovës në këto takime, Skender Hyseni, gjithmonë ka insistuar se bisedimet janë politike e jo teknike dhe se në to po përgatitet marrëveshja gjithëpërfshirëse, e cila do të përmbajë edhe njohjen e ndërsjellë mes Kosovës dhe Serbisë.

    Në anën tjetër, delegacioni i Serbisë ka hedhur poshtë se po flitet për njohjen e Kosovës dhe ka insistuar se duhet të flitet edhe për zbatimin e të gjitha marrëveshjeve, të cilat janë arritur më parë në këtë dialog.

    Një javë pas takimit të sotëm në Bruksel, do të zhvillohet edhe takimi i nivelit të lartë në Uashington i thirrur nga Shtetet e Bashkuara të Amerikës. Në BE atë takim nuk e shohin si konkurrencë apo garë mes tyre dhe SHBA-së, por vetëm si plotësim të përpjekjeve për normalizimin e raporteve ndërmjet Kosovës dhe Serbisë.

    Gjatë vjeshtës, sipas burimeve të BE-së, pritet një rritje e dinamikës së takimeve, si në nivelin e lartë, ashtu edhe në atë të ekspertëve.

    Në pjesën e parë të shtatorit do të mund të takohen në Bruksel kryeministri i Kosovës, Hoti, dhe presidenti i Serbisë, Vuçiq, ndërsa takimet e ekspertëve do të mund të zhvillohen rregullisht, së paku një herë në javë, nëse rrethanat do të mundësojnë një gjë të tillë dhe palët do të kenë gatishmëri.

    Dyfish n’plus me ArtMotion
    Nga Rubrika
    Lajme05 Dhjetor 2023
    Me moton “Nuk ka paqe pa sigurinë e grave” në sheshin “Zahir Pajaziti” në Prishtinë po protestohet në kërkim të drejtësisë për...
    Ekonomi05 Dhjetor 2023
    Minatorët e Trepçës edhe pas grevës dhjetë ditëshe, po ankohen se marrëveshja që i dha fund grevës, nuk po zbatohet. Përveç shpalljes...
    Lajme05 Dhjetor 2023
    Ish zëvendës-ndihmës Sekretari amerikan i Mbrojtjes për Evropën dhe Politikën ndaj NATO-s, Jim Townsend, vlerëson se një nga zhgënjimet më të mëdha...
    Të tjera
    Lajme05 Dhjetor 2023
    Sektori për Hetimin e Krimeve Ekonomike në Prishtinë ka pranuar informata se një subjekt biznesor, i cili operon në kryeqytet, bën shitjen...
    Kronika05 Dhjetor 2023
    Katër persona janë lënduar si pasojë e një aksidenti që ka ndodhur në rrugën Ferizaj-Shtërpcë, konkretisht në fshatin Bajnicë të Kaçanikut. Lajmin...
    Lajme05 Dhjetor 2023
    Gëzim Kastrati prej vitesh po mbart një dhimbje të madhe për vajzën e tij, Diana Kastrati, e vrarë në 2011 nga ish-bashkëshorti i...
    Vip05 Dhjetor 2023
    Debatet nuk kanë të ndalur në shtëpinë e Big Brother VIP Kosova, kësaj rradhe kanë debatuar Ylli me Adrin. Adri i ka...
    Lajme05 Dhjetor 2023
    Avokati dhe njëherësh ish-zëvendësministri i Brendshëm, Valdet Hoxha, ka thënë se numri i vrasjeve në vendin tonë është relativisht i madh. “Suksesi...
    Vip05 Dhjetor 2023
    Azemi dhe Ylli kanë debatuar. Azemi i ka thënë Ylli se “mos më thuaj mua asgjë për femra kur vetë dridhesh”. Ndërkaq...

    FrontOnline, © 2023 Të gjitha të drejtat e rezervuara.