Presidenti turk, Rexhep Tayyip Erdogan publikoi në llogarinë personale në Twitter një videokëngë për Aja Sofian, të cilën kohët e fundit e ktheu përsëri në një xhami.Kënga është në nëntë gjuhë duke përfshirë edhe gjuhën shqipe. Imran Salkan është këngëtarja që interpreton në gjuhën tonë një varg “Aja Sofia ti nuk je vetëm një gur, emrin tënd po e përhapim në botë”.
Përveç këngëtares shqiptare, gjithashtu interpretohet edhe nga këngëtarët në gjuhën kirgize, arabe, azere, kurde, bengale, turke dhe suahilisht, transmeton Telegrafi.
Më 10 korrik, presidenti turk nënshkroi një dekret duke e kthyer përsëri në një xhami.Hagia Sophia është një monument i trashëgimisë kulturore botërore dhe shumë vende të botës i kanë bërë thirrje Erdoganit të mos e bënte sepse do të dërgonte në një ndarje midis botës së krishterë dhe Turqisë.
E ndërtuar në shekullin e gjashtë gjatë mbretërimit të Perandorit Justinian, ishte një simbol i Ortodoksisë, por edhe i fuqisë së Bizantit deri në rënien e Kostandinopojës më 29 maj 1453, kur Sulltani turk, Mehmedi Pushtuesi i Dytë, duke hyrë në qytet, kreu një lutje në këtë vend tempull fetar.
Kështu u bë simbolikisht një xhami, dhe Kostandinopoja kryeqyteti i Perandorisë Osmane.Ndryshe, lutja e parë myslimane është planifikuar për 24 korrik, dhe zëdhënësi i Erdoganit, Ibrahim Kalin tha se mozaikët e krishterë në mure do të mbulohen me perde gjatë namazit.
Ayasofya… Rüzgârlar essin kubbende hürriyetin. Ta ezelden sen bizimsin, biz de senin… pic.twitter.com/DkBdP89hwZ
— Recep Tayyip Erdoğan (@RTErdogan) July 22, 2020
