Lajme

Duda Balje për incidentin në Zubin Potok: E rrezikshme si nuk reagojnë zyrtarët nga veriu

Duda Balje për incidentin në Zubin Potok: E rrezikshme si nuk reagojnë zyrtarët nga veriu
18:58 | 09 Maj 2021

Deputetja Duda Balje ka dënuar sulmin ndaj disa të rinjve bjeshkatar në veri të vendit.

Ajo përmes një postimi në Facebook thotë se rasti i sotëm i gjuajtjes me armë në veri të Kosovës ( Zubin Potok) është shumë shqetësues dhe shumë i rrezikshëm që ka mesazh për institucionet e Republikës së Kosovës.

Balje më tej e quan të frikshme se si asnjë nga zyrtarët komunalë të Veriut nuk ka reaguar deri më tani.

Postimi i saj:

Reagim: Lidhur me rastin shqetesues dhe të rrezikshëm të gjuajtjes me armë sot në veri të shtetit të Kosovës!

Rasti i sotëm i gjuajtjes me rafale nga armë në veri të Kosovës ( Zubin Potok) është shumë shqetësues dhe shumë i rrezikshëm që ka mesazh për institucionet e Republikës së Kosovës.

Është e frikshme se si asnje zyrtarë komunal nga veriu nuk po reagon në këtë ngjarje të papresedan. Çka duhet të ndodhë më shumë që kryetari i komunës së Mitrovices Veriore ( ka qenë zv.minister në MPB ) dhe nënkryetarja e kësaj komune Adrijana Hoxhiq të reagojn.

Mos vallë duhet dikush të vritet e të derdhet gjak të reagojn!?

Si kryetare e komisionit parlamentar për të drejtat e njeriut, e dënoi fuqishëm rastin e sotëm te gjuajtjes me armë ndaj atletve kosovar në veri.

Institucionet përgjegjëse duhet të marrin masa të menjëhershme dhe të fuqishme për zbardhjen në detaje të këtij rasti.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera