Drita ka arritur ta prek fazën e play-offit të Ligës së Konferencës për herë të parë në histori.
Skuadra gjilanase arriti ta kalojë pengesën e radhës në raundin e tretë kualififikues.
“Intelektualët” triumfuan 3:1 pas vazhdimeve ndaj Audas, teksa kishin pësuar 1:0 në ndeshjen e parë në Letoni.
Kësisoj, Drita ka arritur të kalojë në play-off, ku si pengesë të fundit para fazës së grupeve do ta ketë skuadrën polake, Legian e Varshavës.
Legia arriti që ta eliminojë Brondbyn në raundin e tretë, skuadra daneze që e kishte mposhtur Llapin paraprakisht.
