Përgjigjja e kësaj pyetjeje është shumë më e thjeshtë nga ç’mendoni. Sot! Sot është dita më e rëndësishme e jetës dhe arsyetimi është fare i thjeshtë.

E shkuara nuk mund të ndryshohet, ndërsa e ardhmja s’ka ndodhur akoma. Ju s’keni fuqi të bëni asgjë në gjërat që kanë ndodhur apo të përpiqeni të jetoni në të ardhmen. Kjo vetëm sa do të largonte fokusin tuaj nga e tashmja, nga dita më e rëndësishme e jetës- e sotmja. Prandaj, strategjia optimale për këdo është të nxjerrë më të mirën nga momenti që po jetojmë.

Me të drejtë mund të thoni se si mund të jetë dita më e rëndësishme një ditë e zakonshme pune? Ti je thjesht nëpër takime ose po qëndron ulur në zyrën tënde. Mbase sapo ke bërë një super sherr me njeriun tënd të afërt, ke humbur punën apo dikë nga familja jote. A mbetet ende dita më e rëndësishme e jetës?

Përgjigja është sërish po! Duke bërë më të mirën tonë gjërat do të bëhen më të thjeshta në afatgjatë për ne, ose të paktën mund ta përballojmë më lehtë situatën që na ka sfiduar për momentin. Duke e injoruar të tashmen dhe vetëm duke pritur që ajo të kalojë vetë s’funksionon. Mund të përballemi sërish me disa sfida të tjera nesër, pasnesër e në vijim. Duke u lutur që e sotmja thjesht të mbarojë sa më shpejt, s’i bën gjërat më mirë.

Shumë vitë më vonë nga tani, as që do ta mbani mend të sotmen apo se çfarë ndodhi ekzaktësisht. E sotmja do të shkrihet në javë, muaj, vite, por çdo ditë të ndihmon në krijimin e ditëve që do t’i mbash mend gjatë. Dita e dasmës, lindja e parë e fëmijës suaj apo një arritje e madhe në karrierë.

Çelësi i gjithë këtyre ditëve dhe kujtimeve të shënuara janë pikërisht këto ditët e zakonshme, ato më të rëndëishmet të jetës.

Duhet t’i kujtoni vetes sapo zgjoheni që vetëm fakti që ju shihni sërish dritë përtej dritares është bekim. Bëjeni të sotmen të rëndësishme dhe jo duke bërë gjëra të jashtëzakonshme. Një gjest i vogël, një ndihmë për dikë në nevojë, një vizitë e papritur tek gjyshja, apo një kompliment koleges janë mjaftueshëm. Bëni vepra të mira çdo ditë.

Kujtoni se nëse e sotmja nuk ka asnjë kuptim të veçantë për JU, ajo çfarë mund të bëni për dikë tjetër mund të jetë shumë e veçantë dhe me kuptim për ATA. Morali i gjithë kësaj? Merrini të sotmes më të mirën. Edhe nëse është “dita jote më e keqe” shijojeni dhe jetojeni gjer në fund. Mund të përballeni me të nesërmen, javën apo vitin tjetër kur të arrini atje.