Deputetja e PDK-së, Ariana Musliu-Shoshi për FrontOnline shprehet skeptike se takimi i së enjtes në Bruksel mes dy krynegociatorëve, atij nga Kosova dhe atij serb do të ketë sukses.

Ajo thotë se çështja e dinarit serb nuk ka qenë dashur të diskutohet në Bruksel.

‘’Fillimisht mendoj që çështjet e brendshme të Kosovës nuk është dashur të diskutohen në Bruksel. Nuk mendoj se na bën nderë që çështjet e brendshme të Kosovës të diskutohen si çështje të dialogut, sepse janë çështje të brendshme që Kosova është dashur vetë të i zgjedhë. Fillimisht nuk besoj se do të ketë një rezultat të veçantë ose pozitiv sepse vetë hyrja e kësaj teme në dialog e ka bërë dëmin e vetë’’ thotë ajo.

Deputetja Shoshi-Musliu më tej thotë se Qeveria Kurti çështjet e brendshme të Kosovës po i ndërkombëtarizon, sado që ato mund të jenë të drejta ose jo.

 ‘’Kjo Qeveri çështjet e Kosovës po i bën çështje ndërkombëtare dhe këto probleme vazhdojnë dhe ndërlikohen. Këto çështje janë të brendshme pavarësisht që janë të drejta ose jo”, shprehet ajo.

Ajo thekson se çështje si kjo po i bëjnë dëme Kosovës.

‘’Këto çështje nuk i sjellin të mira asgjë Kosovës dhe çështje si kjo duhet të zgjidhen në Kosovë dhe të mos bëhen temë e dialogut në Bruksel’’, u shpreh Musliu-Shoshi.

Diskutimet për dinarin/Pozitë e opozitë përplasen në qëndrime, ja çfarë thonë