Tri barna për shërimin e COVID-19 do të përfshihen në Listën Esenciale.Kjo pasi që ministria e Shëndetësisë gjatë së martës ka aprovuar propozimin e grupit profesional të Agjencisë së Kosovës për Produkte dhe Pajisje Medicinale (AKPPM) që për zbatimin e masave të veçanta, AKPPM të lëshojë licencë importi pa autorizim të marketingut për produkte për përdorim tek pacientët me COVID-19, si : Remdesivir, Favipiravir dhe Hydroxychloroquine.

Për çka sot, deputeti i Aleancës për Ardhmërinë e Kosovës (AAK), Gazmend Syla, kka thënë se një vendim i tillë erdhi pas reagimit të tij.

Ai ditë më parë kishte bërë thirrje institucioneve përgjegjësë që të marrin masa karshi këtij problemi.

‘Të dashur qytetarë pas deklarimit tim të datës 31 gusht, rreth çmimit të lartë që qytetarët paguajnë për shërim nga Covid-19, organet përgjegjëse për shëndetësinë paskan reaguar pozitivisht. Që nga dje, tri medikamentet kryesore do të jepen falas si pjesë e listës esenciale: Remdesivir, Favipiravir dhe Hydroxychloroquine. Secili resor qeveritar, ka këshilltarë të mjaftueshëm, të cilët duhet të këshillojnë për veprime në dobi të qytetarëve, e jo të paguhen kot. Veprimet nuk duhet të merren vetëm pas presionit’, ka shkruar Syla në Facebook.