Organizata “Demokracia Studentore” ka reaguar për Ditën e Evropës duke theksuar se studentët dhe të rinjtë e Kosovës ende janë të izoluar dhe nuk mund të lëvizin lirshëm për të përfaqësuar vendin në konferenca dhe evenimente të ndryshme botërore.

Kryetari i kësaj oprganizate, Mexhid Ramusa ka thënë se mos liberalizimi i vizave po ua mohon studentëve lëvizjen e mirë

Ai për mos liberalizim të vizave si fajtorë kryesorë i sheh deputetët e Kuvendit të Kosovës dhe kërkon përgjegjësi nga politikanët, që sipas tij nuk po bëjnë mjaftueshëm në këtë drejtim.

“Studentët po mbesin mbrapa me zhvillimin dhe avancimin global pasi që Evropa nuk po na hapë rrugët e lëvizjes së lirë, edhe pse të izoluar ne e festojmë ditën e Evropës, por ne kërkojmë përgjegjësi nga politikanët tanë të cilët nuk po bëjnë mjaftë për këtë, mos liberalizimi i vizave edhe këtë vit po ua mohon studentëve kosovarë lëvizjen e lirë dhe si të tillë po mbeten të izoluar, dhe për këtë shkaktarët kryesor janë deputetët e Republikës së Kosovës, të cilët lëvizin të lirë, ndërsa populli dhe studentët janë të izoluar sepse nuk i kanë të njëjtat mundësi”, thotë Ramusa.