Ditë më parë çifti më i ri me famë ndërkombëtare, Demi Lovato dhe Max Ehrich, kanë festuar gjashtë mujorin e fejesës.

Në një intervistë për SiriusXM, këngëtarja e njohur ka folur më shumë rreth lidhjes së saj, përfshirë edhe projektet muzikore, shkruan Daily Mail.

28-vjeçarja ka treguar se pas të gjitha problemeve që pati, Max ishte ai që e kishte rikthyer në jetë, një javë pasi filloi izolimi nga COVID-19.

Bukuroshja brune ka treguar se kishte qenë dashuri në shikim të parë, pasi që në momentin kur e kishte parë, e dinte se diçka mes tyre do të ndodhte.

“Këtë vit kisha planifikuar të rikthehesha, dhe të shpalosja më shumë nga vetja. Por, gjërat nuk shkruan ashtu siç duhej, prapë se prapë koha do i tregojë të gjitha”, tha ajo.

Mes tjerash Demi shtoi: “Në jetën time hyri edhe i fejuari im, ne kemi qenë në gjendje që të ndajmë këtë kohë së bashku, që në kushte normale nuk do të kishim mundësi”.

Po ashtu ajo ka përmendur se pas një javë të ishin takuar, ajo dhe Max kishin filluar të bashkëjetojnë gjatë pandemisë coronavirus.