×
  • Lajme
  • Lajme

    Dalipi: E rëndë që pas të gjitha përgatitjeve të zhvillojmë mësim online

    FrontOnline
    29 Shtator 2020

    Që nga e hëna të gjithë nxënësit e shkollës fillore “Faik Konica” në Prishtinë për dy javë do të ndjekin mësimin online – pasi katër mësimdhënës rezultuan pozitivë për COVID-19.

    Zëvendësdrejtorit i shkollës, Blerim Dalipi, tregoi se pas gjitha përgatitjeve për mësim është e rëndë që të zhvillojnë mësim online.

    Dalipi mes tjerash tregoi se pas fillimit të mësimit dhe grumbullimit të nxënësve morën iniciativën që të testojnë personelin arsimor prej ku katër mësimdhënës rezultuan pozitivë.

    “Pas fillimit të mësimit dhe grumbullimit të nxënësve filloj dyshimi se mund të jemi të prekur, dëshironim të bënim testim për të gjithë mësimdhënësit dhe të enjten morëm lajmin se katër mësimdhënës janë pozitivë”, tha Dalipi për Klan Kosova.

    “Ka pasur disa mësimdhënës që janë testuar individualisht por të enjten janë bërë testimet për 80 mësimdhënësit ku katër nga ta rezultuan pozitivë”.

    Dalipi mes tjerash tregoi se për shkak të dokumentacioneve që mund të kenë prekur tashmë të infektuarit shkuan të gjithë ne vetizolim.

    “Kemi pasur kontakte me dokumentacione të planifikimeve e për këtë kemi shkuar të gjithë në vetizolim për të ruajtur shëndetin e të tjerëve”, deklaroi Dalipi.

    “Masat paraprake janë marrë dhe të gjitha masat kanë qenë në zbatim. Tek cikli i lartë kanë qenë 6 orë bllok mësimdhënësit dhe nxënësit e kanë mbajtur maskën gjithë kohën”.

    Dalipi po ashtu tregoi se pas gjithë organizimit të bërë është e rëndë që të vazhdojnë mësimin online.

    “Është bërë organizim shumë i madh nga institucioni për pritjen e nxënësve dhe të ndalemi pas 13 ditëve ka qenë e rëndë për të gjithë ne por shpresojmë që të kthehemi sa më shpejt”.

    “Cikli i lartë ka qenë mësim i kombinuar 15 nxënës në shkollë dhe 15 kanë ndjekur mësimin online. Ndërsa tani me platformën B shkojnë të gjithë nxënësit në mësim online”.

    Dalipi po ashtu tregoi se janë kujdesur që të gjithë nxënësit të kenë pajisje elektronike për të vijuar mësimin online.

    “Qysh në muajin mars kur kemi ndërpre mësimin kemi marrë informacionin se ka nxënës që nuk ka pajisje elektronike dhe menjëherë kemi marrë iniciativën që pajisjet e shkollës të ju dorëzohen atyre me një marrëveshje”.

    Për zëvendësdrejtorin skenari më i keq i mësimit është ai online mirëpo mbi të gjitha është shëndeti publik

    “Skenari online është më i keqi nuk është i njëjtë sikur ai në shkolla por uroj të shëndeti publik të jetë mirë”.

    Nga Rubrika
    Lajme28 Maj 2025
    Dy vite më parë, Kosovës iu pezullua pjesëmarrja në “Defender 23”, si pasojë e veprimeve të ndërmarra në veri. Por rrethanat kanë...
    Lajme28 Maj 2025
    Komuniteti i Bizneseve në Kosovë të enjten do të organizojë protestë duke bllokuar hyrjet në kryeqytet, kjo për shkak të daljes në...
    Lajme28 Maj 2025
    Policia e Kosovës ka njoftuar se më 29 maj 2025, e enjte, në intervalin kohor prej ora 10:00 deri në 12:00, do...
    Të tjera
    Lajme28 Maj 2025
    Eksperti i sigurisë, Drizan Shala, për “Front Online” ka deklaruar se përqendrimi i madh i kapaciteteve ushtarake serbe në jug të Serbisë...
    Lajme28 Maj 2025
    Ambasadori i Suedisë në Kosovë, Jonas Westerlund, ka komentuar zhvillimet politike në vend, duke vënë theksin te nevoja për bashkëpunim mes partive...
    Lajme28 Maj 2025
    Njohësi i sigurisë, Bedri Elezi, ka thënë se një deklaratë e tillë e Maqedoncit nuk përputhet me veprimet operacionale të institucioneve të...
    Lajme28 Maj 2025
    Komandanti i Forcës së Sigurisë së Kosovës, Gjenerallejtënant Bashkim Jashari, priti një delegacion të lartë nga Instituti Kërkimor Shkencor Ushtarak i Akademisë...
    Lajme28 Maj 2025
    Deklarata e fundit e ministrit në detyrë të Mbrojtjes së Kosovës, Ejup Maqedonci, se rreth 70% e kapaciteteve ushtarake të ushtrisë serbe...
    Sport28 Maj 2025
    Ka përfunduar pa gola ndeshja miqësore mes Kosovës U21 dhe Maqedonisë së Veriut U21. “Dardanët” pavarësisht që patën paraqitje më të mirë...
    -->

    FrontOnline, © 2025 Të gjitha të drejtat e rezervuara.