Virologë dhe epidemiologë të panjohur më parë janë bërë emra të famshëm në një numër vendesh, ku qytetarët presin me padurim vlerësimin dhe këshillat e tyre mbi pandeminë e koronavirusit.
Njëri ndër ta është edhe Dr. Fernando Simón, shefi i urgjencës shëndetësore në Spanjë, i cili fitoi vëmendjen me qasjen e tij të thjeshtë, duke u bërë fytyra e luftës kundër COVID-19.
Përditësimet e tij të drejtpërdrejta dhe të hollësishme mbi evolucionin e epidemisë, të kombinuara me empatinë dhe durimin, e kanë shndërruar atë në një ikonë popullore për shumë spanjollë.
Dhe përveç vlerësimeve rreth tij, tanimë ka edhe bluza dhe çanta të zgjedhura me imazhin e tij. Simón është i vetëdijshëm për vëmendjen dhe ka një mesazh për ata që përdorin fytyrën e tij tani të njohur.
“Unë jam i kënaqur që njerëzit po përfitojnë nga imazhi im për të krijuar një biznes. Ajo që unë do të doja më shumë, nëse është e mundur, është se ndoshta ata mund të dhuronin një përqindje të vogël të atyre përfitimeve për OJQ-të”, ka thënë të premten Simón.
Simón pati një periudhë të vështirë kur u akuzua nga politikanë konservatorë dhe media për fshehjen e informacionit në lidhje me pandeminë në mënyrë që të lejonte demonstratat e Ditës Ndërkombëtare të Grave të zhvilloheshin në 8 Mars.
Por kur ai rezultoi pozitiv me koronavirus në fund të marsit, rasti i tij ngjalli një mbështetje mbarëkombëtare.
Fernando Simón pide que se donen parte de los beneficios de las camisetas con su imagen a ONG https://t.co/B3WH34L0C1 pic.twitter.com/3cEHqTSA9u
— EL MUNDO (@elmundoes) June 12, 2020
