Të moshuarit nga Britania e Madhe të martuar për më shumë se 60 vite, mposhtën coronavirusin së bashku, me këtë rast të dy u liruan së fundmi nga spitali.
Sipas mediave të huaja, përcjell Telegrafi, Gillian England 88 vjeç, dhe burri i saj 91 vjeçar Micheal, kaluan tre javë në spital, kur më në fund u liruan nga qendra e Leicester Royal Infirmary.
Bëhet e ditur se çifti britanik do të vazhdojë trajtimin tani nga shtëpia.
Ditëve të fundit, stafi i spitalit admiroi vullnetin e tyre, pasi të dy mbështesnin njëri-tjetrin përgjatë kësaj sfide.
Të moshuarit si dhe familja e tyre, falenderuan stafin e Shërbimit Kombëtar, për punën dhe kujdesjen e tyre të palodhshme. /Telegrafi/
