Sulmi në tru është urgjencë mjekësore dhe ndër shkaktarët kryesorë të vdekjeve në botë.

Sulmet në tru shkaktohen kur enët e gjakut në tru shpërthejnë, ose kur zhvillohet ndonjë bllokadë.

Nëse nuk trajtohet, qelizat në tru fillojnë shumë shpejt të vdesin dhe, si rezultat i kësaj, sulmi në tru mund të bëhet shkaktar i vdekjes apo mund të shkaktojë çrregullime të ndryshme.

Nëse ndonjë familjarë apo miq i juaji është duke pasur simptoma të sulmit në tru, menjëherë kërkoni ndihmë mjekësore, transmeton Telegrafi.

Janë dy lloje të sulmit të tru – isemike dhe hemorragjike. Në mënyrë të ngjashme me sulmin në zemër, ai në tru shkaktohet prej ngushtimit të venave të gjakut në tru.

Përderisa bëhemi më të vjetër arteriet bëhen më të ngushta, duke e rritur mundësinë e bllokimit të tyre.

Problemet e ndryshe shëndetësore, por edhe mënyra e jetesës siç është pirja e duhanit dhe të qenit mbipeshë, e rrisin rrezikun e sulmit në tru.

Rreth një nga 8 personat vdesin përbrenda 30 ditëve të vuajtjes nga sulmi në tru, sipas Stroke Association.

Për këto arsye është e rëndësishme që njerëzit t’i njohin shenjat sepse sa më shpejt trajtohet personi, aq më shumë janë gjasat për të mbijetuar.

Simptomat e sulmit në tru, janë këto:

– Mpirje e papritur apo ligështi në trup, e veçanërisht në njërën anë

– Ndryshime të papritura në njërin apo dy sytë, ose probleme me gëlltitjen

– Dhimbje të papritura të kokës

– Probleme të papritura me ecje, balancim apo edhe marramendje

– Hutim i papritur, si dhe vështirësi për të folur apo për t’i kuptuar tjerët

– Të folur i ngadalshëm dhe i pa kuptuar

– Vështirësi në ngritjen e duarve

Një nga shenjat që ne nuk duhet të injorojmë është lemza që mund të jetë shumë e dhimbshme dhe e shoqëruar me dhimbje gjoksi. Nëse lemza zgjat më shumë se dy ditë, shkoni te mjeku.

Si të parandaloni një sulm në tru?

Bëni një mënyrë jetese të shëndetshme. Konsumoni ushqime të shëndetshme, angazhohuni në aktivitete fizike dhe shmangni stresin.