Front Online ka raportuar sot se ministrja e Tregtisë dhe Industrisë, Rozeta Hajdari ka shkuar në zyrat e Prokurorisë Speciale të Republikës së Kosovës.
Ministrja Rozeta Hajdari në Prokurori
Aty qëndroi për disa orë, ku u raportua se ajo po intervistohej për skandalin për Rezervat Shtetërore.
Me të dal nga selia e kësaj prokurorie, ajo tha se nuk është marrë në pyetje, dhe se kishte një intervistim për disa ligje që janë në fuqi e që lidhen me skandalin në fjalë.
“Nuk kam qenë e intervistuar, bëhet fjale për rezervat shtetërore”, ka thënë ajo para mediave pasi ka dalë nga objekti i Prokurorisë Speciale.
Ajo tha se do të përgjigjen pasi të i kryejnë disa procedura që ajo përmendi.
“Kjo kërkon qartësi në legjislacionin në fuqi që është Ligji për Rezervën Shtetërore, Ligji për Mbrojtjen e Informacionit të Klasifikuar dhe ligjet tjera, prandaj derisa t’i marrim qartësitë përkatëse, ne do të bëjmë kërkesën dhe të vijmë t’ju japim përgjigjet”.
