Hakan Calhanoglu është kthyer në një nga pikat kyçe te skuadra e Interit. Mesfushori u bashkua me zikaltërit në vitin 2021 dhe në pak kohë ka fituar zemrat e tifozëve zikaltër.

Në një intervistë të dhënë së fundmi, Calhanoglu deklaroi se nuk e ka menduar kurrë largimin nga Interi:

“Unë jam një person që nuk flas shumë, më pëlqen të punoj më shumë se çdo gjë. Në këto tre vite kam gjetur shokë dhe tifozë të jashtëzakonshëm, jam rritur falë tyre. Nuk kam menduar kurrë të largohem nga Interi, thashetheme pati, por nuk fola dhe vazhdova të punoj.

Shpresoj që Lautaro Martinez të fitojë “Topin e Artë”. Ne jemi të gjithë me Lautaron, ai di të menaxhojë shokët e tij, shënon dhe bën gjithmonë diçka të re. Ai e meritoi rinovimin me Interin.”