Cakaj pret në Tiranë Lladrovcin dhe Jasharin

Ministri i Jashtëm në detyrë i Shqipërisë, Gent Cakaj, ka njoftuar se ka pritur sot në Tiranë, kryetarët e komunave, Drenas dhe Skënderaj, Ramiz Lladrovci, respektivisht Bekim Jashari.

“Biseduam për punën e tyre shumë të vyer në zemër të Drenicës, drejtësinë e pastërtinë e luftës së Ushtrisë Çlirimtare të Kosovës e rëndësinë e patjetërsueshme të bashkëpunimit mes Republikës së Kosovës e Shqipërisë”, është shprehur Cakaj, transmeton Klan Kosova.

“Po ashtu, theksuam edhe domosdoshmërinë e ruajtjes së shumicës shqiptare në Bujanoc. Kjo e fundit, është edhe detyrë historike edhe nevojë institucionale për shqiptarët e Luginës së Preshevës”.