[wp-story]

Bota/Rajoni

Bota e zvogëloi numrin e bombave bërthamore, por i modernizoi ato

Bota e zvogëloi numrin e bombave bërthamore, por i modernizoi ato
09:03 | 15 Qershor 2020

Instituti Ndërkombëtar i Stokholmit për Studime të Paqes ka thënë se fuqitë bërthamore botërore e kanë zvogëluar numrin e kokave bërthamore, por e kanë modernizuar këtë arsenal.

Sipas këtij instituti, nëntë fuqitë bërthamore – Shtetet e Bashkuara, Rusia, Britania e Madhe, Franca, Kina, India, Pakistani, Izraeli dhe Koreja Veriore – së bashku i kanë pasur 13,400 koka bërthamore në fillim të këtij viti.

Kjo shifër është për 465 koka bërthamore më pak se numri i tyre në periudhën e njëjtë të vitit të kaluar, kur këto shtete së bashku i kishin gjithsej 13,865 koka bërthamore, shkruan “Free Europe”, transmeton Gazeta Express.

Në raport thuhet se kjo rënie ka ardhur kryesisht nga shkatërrimi i kokave të vjetra bërthamore nga Rusia dhe Shtetet e Bashkuara, të cilat së bashku i kanë rreth 90 për qind të të gjitha armëve bërthamore në nivel botëror.

Numri i kokave bërthamore të Shteteve të Bashkuara ra për 385, ndërsa në Rusi kjo shifër u zvogëlua për 125 copë. Sidoqoftë, Kina, Britania e Madhe, India dhe Koreja Veriore e shtuan numrin e këtyre armëve.

Instituti tha në raport se Kina është në mesin e procesit të një modernizimi të dukshëm të arsenalit bërthamor.

Super zbritje në “Petrol Company”

Të tjera