Njohësi i çështjeve politike dhe kushtetuese në vend, Mazllum Baraliu ka thënë për Front Online se delegacioni kosovarë ka shkuar i pa përgatitur në Uashington.

Ai është shprehur se delegacioni është zgjedhur në baza politike, dhe nuk është i përgatitur për çështjet ekonomike që do të trajtohen me palën serbe.

“Mendoj që ne jemi totalisht të pa përgatitur si shtet dhe si qeveri. Kemi shkuar atje në baza politike, vetë delegacioni është i përbërë nga komponentë politikë të anëtarëve të koalicionit qeverisës”, ka thënë ai për Front Online.

Sipas tij, me që është paralajmëruar se do të shkohet për marrëveshje ekonomike është dashur që pjesë e delegacionit të jetë Ministri i Ekonomisë, Ministri i Financave, dhe Kryetari i Odës Ekonomike.

Baraliu ka theksuar se nuk pretë të arrihet ndonjë marrëveshje mes dy palëve.

“Duke njohur Serbinë e duke njohur politikat e saj, nuk pres të ketë ndonjë marrëveshje, sidomos marrëveshje për njohje. Serbia nuk është e gatshme ta njoh Kosovën”, ka deklaruar ai.

Përndryshe, ai e ka parë të rëndësishme praninë e presidentit Trump në takimin e sotëm./Front Online/