Me 11 janar të vitit 1921 regjimi serb për një ditë të vetme kishte ekzekutuar 1,520 banorë të fshatit Prapashticë.
Banorët e fshatit po i gëzohen iniciativës për të ngritur një përmendore në kujtim të 1,520 martirëve që u vranë pas Luftës së Parë Botërore.
Mirëpo proceduara e realizimit nuk është në përputhje me kërkesat e tyre.
“Mendimi unanim i fshatarëve është që ky lapidar të ndërtohet në pronën e shkollës që mban edhe emrin “Dëshmorët e vitit 1921”, deklaroi për RTV Dukagjinin Ali Latifi.
Banorët sot nënshkruan edhe kallëzimin penal për gjenocidin e ushtruar nga shteti serbe në vitin 1921 duke kritikuar ata që kanë qenë në pushtet deri më tani e që sipas tyre nuk e kanë bërë këtë kallëzim.
“Qytetarët e përkrahën këtë iniciativë me nënshkrimet e tyre për kallëzimin penal ndaj gjenocidit që ka bërë Serbia”, deklaroi më tej Ali Latifi.