Ndeshja e fundit e sezonit 2022/23 në Superligën e Kosovës, Gjilani – Ballkani do të zhvillohet në Suharekë.

Në këtë ndeshje, pritet që edhe zyrtarisht t’i  dorëzohet titulli kampion skuadrës së Suharekës, shkruan FrontOnline.

Edhe pse Gjilani është në cilësinë e skuadrës vendase, ndeshja është vendosur me mirëkuptim nga dy skuadrat që të zhvillohet në Suharekë, ku Ballkani mund ta festoj titullin e kampionit pranë tifozëve të tyre.

Ballkani me anë të një postimi në faqen e tyre zyrtare në Facebook, ka konfirmuar se ndeshja mes Gjilanit do të zhvillohet në Suharekë.

“Festa e mbrojtjes së titullit kampion, zhvendoset e tëra në qytetin e kampionëve. Duke gjetur gjuhë të përbashkët me skuadrën e Gjilanit dhe duke i falënderuar përzemërsisht për mundësinë e dhënë që të festojmë në qytetin tonë, gjithashtu dhe Federatën e Futbollit të Kosovës, ju bëjmë me dije se përballja e fundit kampionale, do të luhet në stadiumin e qytetit në Suharekë”. /FrontOnline/