Më 4 shtator të këtij viti pritet që të vazhdojë dialogu me Serbinë në mes të palës kosovare dhe asaj serbe. Pavarësisht që është duke u përfolur që nga ky takim mund të ketë edhe njohje reciproke në mes të vendeve, sipas monitoruesve të këtij procesi pritjet nuk duhet të jenë të mëdha.
LEXO EDHE: Shtatori i “nxehtë” në shumë fronte
Arbër Fetahu nga Grupi për Studime Juridike dhe Politike, lidhur me takimin e 2 shtatorit për vazhdimin e dialogut Kosovë-Serbi, ka thënë për Front Online që pritjet nuk duhet të jenë të mëdha.
“Realisht tanimë pritjet nuk duhet që të jenë shumë të mëdha nga takimet për shkak që kemi pasur shumë ndryshime përgjatë trajektores së dialogut. Dihet dështimi i 27 qershorit, pastaj roli i BE-së më i fuqishëm në dialog dhe në një formë venitja e rolit të SHBA-së pas 27 qershorit. Gjithsesi ky takim është mjaft i rëndësishëm për Kosovën pasi që dihet që SHBA-të janë superfuqi dhe në këtë rast dëshirojnë që të ri aktualizojnë rolin e tyre në dialog”, ka thënë Fetahu për Front Online.
