Mefail Bajqinovci i Lëvizjes Vetëvendosje ka publikuar një fotografi bashkë me Glauk Konjufcën, në të cilën vetë Bajqinovci shihet pa maskë në fytyrë, derisa Konjufca shihet teksa e mbanë atë poshtë mjekrës.

Sipas përshkrimit që Bajqinovci i ka vendosur fotografisë, bashkë me Glaukun kanë qëndruar në fshatin Kërpimeh të Podujevës.

Në mbledhjen e 13 korrikut të Qeverisë së Kosovës, u mor vendim që mbajtja e maskave mbrojtëse të jetë obligative për qytetarët e Kosovës.

Ndërsa ditë më parë hyri në fuqi edhe ligji i cili parasheh se të gjithë personat që nuk mbajnë maskë, dënohen me 35 euro.

“Personi fizik i cili nuk respekton vendimin e Organit Kompetent për mbajtjen e maskës, dënohet me gjobë prej tridhjetepesë (35) euro”, thuhet në nenin 24, pika 5 të këtij Ligji