×
  • Lajme
  • Lajme

    Asociacioni i Institucioneve Parashkollore Private kundërshton vendimin e Qeverisë për çerdhet, e quajnë dëshpërues

    FrontOnline
    15 Korrik 2020

    Me vendimin e Qeverisë së Republikës së Kosovës për pezullimin e aktivitetit të çerdheve publike e private, si masë për luftimin dhe parandalimin e pandemisë COVID-19, nuk po pajtohen nga Asociacioni i Institucioneve Parashkollore Private (AIPP).

    Kryetarja e Asociacionit të Institucioneve Parashkollore Private (AIPP), Gëzime Rexhepi-Çollaku në një prononcim për Telegrafin këtë vendim e ka quajtur dëshpërues.

    Rexhepi-Çollaku tha se ky vendim i Qeverisë do të shkaktojë çrregullim ekonomik në vend.

    “Gjendemi në një situatë shumë dëshpëruese. Konsiderojmë që Qeveria është sfiduar me marrjen e masave drastike për pezullimin e çerdheve, e cila pritet të shkaktojë një çrregullim ekonomik. Është dëshpëruese marrja e vendimit të tillë”, ka thënë ajo.

    Sipas saj, çerdhet dhe kopshtet përveç se janë vend i edukimit dhe qëndrimit për fëmijë, ato shërbejnë edhe për ekuilibrin familjar ekonomik, tregtar e social.

    “Prindërit natyrisht i sjellin fëmijët e tyre për të shkuar në punë dhe që të jenë me mendje të fjetur se ata qëndrojnë të sigurt dhe të shëndetshëm. Fëmijët do të bartin pasoja të mëdha emocionalisht dhe mentalisht. Është një çekuilibër marramendës. Përderisa të gjitha bizneset funksionojnë, çerdhet dhe kopshtet jo, atëherë kush është shkaktar i bartjes, çerdhet? Çerdhet janë vendi më i sigurte i fëmijëve dhe prindërit ndihen më rehat kur fëmijët i kanë lënë në duart të sigurta”, u shpreh ajo.

    Tutje ajo shtoi se ky vendim është alarmues edhe për punëtorët që të mbesin pa punë.

    Rexhepi-Çollaku theksoi se për këtë vendim siç e quajti ajo “dëshpërues”, duhet të reagojnë të gjithë përfshirë dhe prindërit e fëmijëve, si dhe të rishikohet sa më parë nga Qeveria vendimi i marr ditë më parë.

    “I bëjmë thirrje prindërve që të reagojnë fuqishëm dhe të kërkojnë që sa më parë të rishikohet ky vendim për më të vegjlit tanë. Nuk jemi për atë që shëndeti mos të jetë primar, pasi shëndeti për ne është primar, por duhet të rishikohen masat”, tha ndër të tjera kryetarja e Asociacionit të Institucioneve Parashkollore Private, Gëzime Rexhepi-Çollaku.

    Ndërkaq, Telegrafi në një bisedë telefonike me zyrën për informim nga Ministria e Arsimit, të pyetur për vendimin e Qeverisë për institucionet parashkollore thanë që nuk kanë përgjigje në lidhje me këtë, ndërsa këshilltari i Ministrit të Arsimit, Ramë Likaj, Gëzim Berisha tha se përgjigjen duhet ta marrim tek zyra e informimit, ose të adresohemi tek web faqja e Ministrisë, pasi aty mund ta gjejmë një përgjigje në lidhje me vendimin e Qeverisë.

    Në web faqen e Ministrisë së Arsimit është publikuar ky informacion të cilën mund ta lexoni më poshtë:

    “Në vazhdën e masave për luftimin dhe parandalimin e COVID-19, me vendim të Qeverisë nr. 04/13 të datës 13.07.2020, pezullohet veprimtaria e çerdheve publike dhe private, duke filluar nga nesër (14.07.2020).

    MASh do të vazhdojë të plasojë aktivitetet ditore në platformën “Edukimi në Distancë – Kujdesi, Zhvillimi dhe Edukimi në Fëmijërinë e Hershme për moshën 0-6 vjeç” deri në fund të muajit korrik, të cilat lehtë mund të realizohen në kushte shtëpie. Me ndihmën e prindërve dhe edukatorëve, për fëmijët, kjo periudhë e vështirë do të bëhet më e lehtë dhe më cilësore.

    Në vazhdimësi, ne do t’iu njoftojmë për vendime të reja përmes Drejtorive Komunale të Arsimit si dhe përmes Platformës “Edukimi në Distancë”.

    Duke ju dëshiruar shëndet, MASh bën thirrje t’i përmbaheni masave të përcaktuara nga Qeveria e Republikës së Kosovës në parandalimin e Covid-19”.

    Ndryshe, në vendimin e Qeverisë së Republikës së Kosovës të mbajtur më 13 korrik 2020, për parandalimin dhe luftimin e sëmundjeve ngjitëse për institucionet publike dhe private thuhet:

    “Pezullohet veprimtaria e çerdheve në Institucionet publike dhe private (me kusht që njëri prind të lirohet nga puna për kujdes ndaj fëmijëve që janë nën moshën 10 vjeçare)”.

    Nga Rubrika
    Lajme10 Maj 2025
    Ambasadori i Britanisë së Madhe në Kosovë, Jonathan Hargreaves, ka uruar komunitetit goran në ditën ndërkombëtare të tyre. Në një postim në...
    Lajme10 Maj 2025
    Deputetja e PDK-së, Eliza Hoxha, ka reaguar rëndë ndaj mbajtjes së mbledhjes së Këshillit Drejtues të Lëvizjes Vetëvendosje në ambientet e Universitetit...
    Lajme10 Maj 2025
    Asociacioni i Gazetarëve të Kosovës në një reagim ka shprehur zhgënjim të thellë me qasjen e kryeministrit në detyrë, Albin Kurti, një...
    Të tjera
    Lajme10 Maj 2025
    Gjykata Themelore në Prishtinë, ka njoftuar se ka aprovuar kërkesën e Prokurorisë Themelore duke caktuar kështu masën e paraburgimit ndaj të pandehurit...
    Bota/Rajoni10 Maj 2025
    Kryeministri britanik Keir Starmer, ka dhënë komentet e tija për armëpushimin mes Indisë dhe Pakistanit duke thënë se një gjë e tillë...
    Lajme10 Maj 2025
    Albin Kurti, në fjalimin e mbajtur në mbledhjen e këshillit të përgjithshëm të Lëvizjes Vetëvendosje, ka deklaruar se Kosova do të jetë...
    Lajme10 Maj 2025
    Artan Behrami, deputet i Partisë Demokratike të Kosovës, përmes një postimi në Facebook, ka thënë se insistimi nga ana e Lëvizjes Vetëvendosje...
    Lajme10 Maj 2025
    Deputetja e Kuvendit të Kosovës nga radhët e LDK-së, Jehona Lushaku-Sadriu, ka thënë se mbledhja e sotme e Këshillit të VV-së u...
    Lajme10 Maj 2025
    Kryeministri në detyrë, Albin Kurti, ka thënë se Kosova dhe populli i saj janë mirënjohëse për mbështetjen e Arabisë Saudite ndër vite....
    -->

    FrontOnline, © 2025 Të gjitha të drejtat e rezervuara.