Në orët e hershme të mëngjesit ka ndodh një vjedhje në Lipjan.

Aty është grabitur një institucion financiar ku disa persona të armatosur kanë grabitur arkën e këtij institucioni.

Rastin për FrontOnline e ka konfimruar edhe zëdhënësi i Policisë për Rajonin e Prishtinës, Agron Borovci.

“Pas marrjes së informatës për një vjedhje të rëndë të ndodhur në një institucion financiar në rrugën “Hajredin Bajrami” në Lipjan rreth orës 02:30, njësitet policore të Lipjanit kanë organizuar një operacion të shpejtë i cili ka rezultuar me arrestimin në ikje e sipër të një të dyshuari që dyshohet të jetë përfshirë në rastin në fjalë”, ka thënë Borovci.

Sipas tij, veprimet e shpejta i kanë mundësuar policisë të identifikoj veturën e shfrytëzuar nga të dyshuarit si dhe drejtimin e ikjes.

Ndjekja policore ka vazhduar deri në momentin kur në fshatin Qylagë të Lipjanit, të dyshuarit kanë humbur kontrollin mbi veturën e tyre dhe kanë dalë nga rruga.

Me këtë rast policia ka arrestuar të dyshuarin;

• H. G, mashkull, 31 vjeç, shtetas i Republikës së Kosovës, si dhe,

pas një kontrolli që i ka bërë automjetit ka gjetur dhe sekuestruar;

 Një revole të tipit Zoraki, si dhe,

 Pesë fishek.

Ndërkohë që policia ka kontrolluar edhe perimetrin përreth, pak më tutje është gjetur edhe kasaforta (kasa) e zbrazët./FrontOnline/